काठमाडौं– दक्षिण भारतीय फिल्म क्षेत्रमा निकै रुचाइएको तर असफल जोडीमध्ये अभिनेता नागा चैतन्य र अभिनेत्री सामन्था रुथ प्रभुको जोडी हो। दुईले केही समयअघि एकअर्कासँगको सम्बन्धलाई अन्त्य गर्ने निधो पनि गरेका थिए। त्यसयता उनीहरुले एकअर्काको बारेमा कमै मात्र बोल्ने गरेका छन्।
हालसालै सामन्थाले भने आफ्ना पूर्वपति नागासँगको सम्बन्धको बारेमा बोलेकी छिन्। भारतीय टक शो ‘कफि विथ करनण्ट्टड कार्यक्रममा अक्षय कुमारसँग पुगेकी सामन्थाले आफ्नो पूर्वपति नागा र आफूलाई एउटै कोठामा राख्दा चक्कु–छुरीजस्ता हतियार लुकाउनुपर्ने अवस्था भएको बताएकी छिन्।
उनले भनेकी छिन्, ‘हामी एउटै कोठामा भएमा जे पनि हुनसक्छ। त्यसैले, हतियार लुकाउनु पर्छ।’ त्यस्तै, सामन्थाले सम्बन्ध बिच्छेदपछि २ सय करोड रुपैयाँ नागासँग मागेको विषयमा भइरहेको हल्लामा पनि आफ्नो प्रतिक्रिया जनाएकी छिन्।
कार्यक्रमका सञ्चालक करण जौहरले सामन्थालाई उनको बारेमा सबैभन्दा नराम्रो हल्ला के हो भन्ने सोध्दा उनले यो विषयमा बोलेकी हुन्। उनले भनेकी छिन्, ‘मैले २०० करोड रुपैयाँ लिएको हल्ला चलिरहेको छ। म हरेक दिन बिहान उठेर सोच्छु यदि इनकम ट्याक्स अफिसर आएमा उनीहरुले देख्नेछन् मसँग केही छैन।’
सामन्थाले २ सय करोड रुपैयाँ लिएको विषय ट्रोलर्सहरुले चलाएको हल्ला मात्रै भएको बताएकी छिन्। उनले भनेकी छिन्, ‘यो केवल ट्रोलर्सहरुले चलाएको हल्ला हो। उनीहरुको यो कहानी अरुलाई विश्वसनीय लागेको छैन्।’
सामन्था र नागाले सन् २०१७ को अक्टोबरमा विवाह गरेका थिए। विवाहको लगभग चार वर्षपछि उनीहरुले गत वर्ष अक्टोबरमा एकअर्काबाट अलग हुने निर्णय गरेका थिए। सामन्था र नागाले एकसाथ ‘मनम’, ‘ये माया चेसावे’ र ‘आटोनगर सूर्या’जस्ता फिल्ममा काम गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
