प्रहरीले हतियार मागेको छैन, बालुवाटारबाटै प्रहरीलाई बद्‌नाम बनाउने खेल भएको छ: पूर्वगृहमन्त्री अधिकारी

सुरक्षा/अपराध

नेपाल लाइभ बुधबार, असार २९, २०७९ १४:१५

काठमाडौं– नेकपा एमालेका सांसद तथा पूर्वगृहमन्त्री खगराज अधिकारीले हतियार खरिद प्रकरणमा बालुवाटार (प्रधानमन्त्री निवास)बाटै प्रहरीलाई बद्‌नाम बनाउने खेल भएको टिप्पणी गरेका छन्।

बुधबारको प्रतिनिध सभा बैठकमा बोल्दै अधिकारीले प्रहरीले हतियार नमागेको, तर जबरजस्ती बालुवाटारबाट विज्ञप्ति निकाल्न लगाएर प्रहरीलाई बद्‌नाम बनाउने खेल भएको आरोप लगाए।

‘प्रहरीलाई बद्‌नाम बनामउने खेल भएको छ। एमालेले संसद्‌मा कुरा उठाइसकेपछि रातारात बालुवाटारमा बोलाएर प्रहरीलाई विज्ञप्ति निकाल्न लगाइएको छ। प्रहरीले मागेको हो भन्ने पार्नका निम्ती विज्ञप्ति निकाल्न लगाइएको हो,’ अधिकारीले भने।

यसबारे संसद्‌मा प्रधानमन्त्री, गृहमन्त्रीले जवाफ दिनुपर्ने उनको बताए। ‘कुन कुन डेटमा क–कसले माग गरे, कुन कुन मूल्यमा कसरी किन्न लागिएको हो? यो खरिद गर्न आवश्यक हो कि होइन? यसको औचित्य पुष्टि गर्न गर्नु पर्दैन?’ अधिकारीले भने।

इटालीको बद्‌नाम बरेटा कम्पनीसँग नै किन हतियार खरिद गर्न परेको भनेर पनि अधिकारीले प्रश्न गरे।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

टरिगाउँ विमानस्थलको स्तरवृद्धिका लागि पहल गर्छु : प्रचण्ड

आइसिसी यू–१९ महिला विश्व कप: नेपाललाई मलेसियाको सामान्य लक्ष्य,पुजा बनिन् सर्वाधिक विकेट लिने बलर

वरिष्ठ अधिवक्ता त्रिपाठीविरुद्ध अदालतको अवहेलना मुद्दा दायर