काठमाडौं– सार्वजनिक लेखा समितिको २२ औं वार्षिक प्रतिवेदन–२०७९ समितिबाट पास भएको छ।
प्रमुख प्रतिपक्ष दल नेकपा एमालेका सांसदहरुले बैठक बहिस्कार गरे पनि बैठकमा उपस्थित बहुमत सांसदहरुको सहमतिमा २२ औं वार्षिक प्रतिवेदन–२०७९ पास भएको सार्वजनिक लेखा समितिका सचिव डा.रोजनाथ पाण्डेले बताए।
उनले समितिको बैठकले वार्षिक प्रतिवेदन पास गर्ने र प्रतिनिधि सभामा पेस गर्न पठाउने निर्णय भएको जानकारी दिए।
उनले भने, ‘समितिको बैंठकमा उपस्थित सांसदहरुको बहुमतको संख्याले सार्वजनिक लेखा समितिको वार्षिक प्रतिवेदन अनुमोदन गर्ने काम र प्रतिनिधि सभामा पठाउन स्वीकृत दिने निर्णय भयो। प्रमुख प्रतिपक्ष दलका सांसदहरुले बैठक बहिस्कार गरेर छाडेर जानुभयो। उपस्थिति जनाएपछि। बीचमा बैठकमा सांसदहरु रहनुभयो। उहाँहरु उपस्थित संख्याको बहुमत भएको हुनाले उहाँहरुले प्रतिवेदन अनुमोदन गर्नुभयो। त्यही अनुसार हामी अगाडि बढेका छौं।’
सचिव पाण्डेले बैठकमा उपस्थिति जनाएर प्रमुख प्रतिपक्ष दलका सांसदहरुले बैठक बहिस्कार गरेर हिँडेपछि बैठकमा रहेका सांसदहरु उपस्थित संख्याको बहुमत रहेकाले वार्षिक प्रतिवेदन अनुमोदन गरिएको बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1770871670.png)
-1770871503.png)
-1764146706.png)
-1770562345.jpg)
