काठमाडौं– निजगढ अन्तर्राष्ट्रिय विमानस्थलको मुद्दामा आदेश जारी गर्ने विषयमा सबै न्यायाधीश सहमत भए पनि विषयवस्तुमा भने दुई न्यायाधीशले फरक राय राखेका छन्।
उनीहरुले फरक राय राखेको कुरा केही बेरमा पूर्णपाठमा खुल्ने छ। न्यायाधीशहरु हरिकृष्ण कार्की र मनोज शर्माले अरु न्यायाधीशभन्दा फरक मत राखेका हुन्।
फैसला लेखनमा संलग्न एक न्यायाधीशका अनुसार उनीहरुले फरक राय लेखेका छन्। पाँच न्यायाधीशको बृहत् पूर्ण इजलासले जेठ १२ गते फैसला सुनाएको थियो।
सरकारले निर्माण गर्ने भनेको विमानस्थलविरुद्ध दायर भएको रिटमा विकल्प खोज्न फैसला सुनाएको थियो। सर्वोच्चको उक्त फैसलापछि निजगढ अन्तर्राष्ट्रिय विमानस्थलको भविष्य पूर्णपाठमा अड्किएको थियो।
न्यायाधीशहरु विश्वम्भरप्रसाद श्रेष्ठ, ईश्वरप्रसाद खतिवडा र प्रकाशमानसिंह राउत भने एकै रायमा सहमत भएका थिए। उनीहरुको रायमा दुई न्यायाधीशले फरक मत राखेका हुन्। यद्यपि फैसला र आदेशको हकमा भने बहुमतको राय लागू हुने छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
