काठमाडौं– साहित्यकार जगदीश घिमिरेको कथा ‘साबिती’माथि आधारित नाटक मञ्चन हुने भएको छ। थिएटर भिलेजले घिमिरेको कथामाथि आधारित रहेर नाटक मञ्चन गर्न लागेको हो।
नाटक विमल सुवेदीको डिजाइन र निर्देशनमा बन्न लागेको हो भने नाटकको सहायक निर्देशनमा जेनी सुनुवार रहेकी छिन्।
नाटकको प्रमुख भूमिकामा चर्चित भारतीय रंगकर्मी अनुराधा मजुमदारले अभिनय गर्दैछिन्। अनुराधाले ‘खुमा’ र ‘बाँकी उज्यालो’जस्ता नेपाली नाटकमा अभिनय गरिसकेकी छिन्।
नाटकमा अभिनयका लागि उनी काठमाडौं आइसकेको र नाटकको तयारी तीव्र गतिमा भइरहेको थिएटर भिलेजले जनाएको छ। नाटकमा अनुराधासँगै सुजन वली र साजनकुमार सुनुवारको पनि अभिनय रहनेछ।
धेरै पहिले लेखिएको ‘साबिती’ कथाले अहिलेको समाजमा विद्यमान विविध विसंगतिको असली स्वरूपसमेत देखाउने यसका निर्देशक विमल सुवेदी बताउँछन्।
उनकाअनुसार मूल कथा पुरुष पात्रको पक्षबाट लेखिएको भए पनि नाटकमा महिला पात्र केन्द्रित भएर कथा प्रस्तुत गरिने छ। सुवेदी महिला पात्रहरू कसरी असमान सामाजिक संरचनाको कठघरामा उभ्याएको छ भन्ने पक्ष आफूलाई सबैभन्दा सुन्दर लाग्ने बताउँछन्।
नाटक असार १७ गतेदेखि १९ गतेसम्म तीन दिनका लागि शिल्पी थिएटरमा मञ्चन हुने भएको छ। निर्देशक सुवेदीकाअनुसार नाटक एक दशकपछि पुनः मञ्चन हुन लागेको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751372795.jpg)
-1751267101.jpg)
-1751273553.jpg)
-1749826086.png)
