‘डान्सिङ स्टार्स नेपाल’को उपाधि छिरिङ शेर्पा र सरोज प्रजाको जोडीलाई

समाचार

नेपाल लाइभ शनिबार, असार ११, २०७९ ०६:२४

काठमाडौं– रियालिटी शो ‘डान्सिङ स्टार्स नेपाल’को उपाधि छिरिङ शेर्पा र सरोज प्रजाको जोडीले जितेको छ। हिमालयन टेलिभिजनबाट प्रसारण हुने कार्यक्रमको शुक्रबार भएको फिनालेमा यी जोडीले उपाधि हात पारेको हो।

उपाधि जितेका शेर्पा र प्रजाले १५ लाख नगदसँगै अन्य पुरस्कार समेत प्राप्त गरेका छन्। विजेता जोडीलाई हिमालयन टेलिभिजनका अध्यक्ष धर्मराज भुसालले पुरस्कार र ट्रफी वितरण गरे।

त्यस्तै, प्रीति आले र शेखर घर्ती मगरको जोडी फस्ट रनरअप भएको छ। उनीहरुले २ लाख रुपैयाँ नगदसँगै अन्य पुरस्कार जितेका छन्। परमिता राणा र जेडी तमुको जोडीले भने सेकेण्ड रनरअपको उपाधि जितेको छ।

गत जेठ महिनाबाट सुरु भएको यो रियालिटी शोमा गौरी मल्ल, दिलीप रायमाझी र रेनेशा बान्तवा राई निर्णायक रहेका थिए। लक्ष्मण पौडेलको निर्देशनमा बनेको यो कार्यक्रममा प्रतिस्पर्धीको रुपमा १२ जना सेलिब्रेटी तथा कोरियोग्राफरहरुको सहभागिता थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

नबुझिने प्रेस्क्रिप्सन, नारायणी अस्पतालका डाक्टरद्वारा आचारसंहिता उल्लंघन

स्ववियु निर्वाचन : वरुण बहुमुखी क्याम्पसमा मतदान सम्पन्न

परराष्ट्रमन्त्री र युक्रेनका विदेशमन्त्रीसँग वार्ता, युक्रेनी सेनाको कब्जामा रहेका ७ नेपालीलाई मुक्त गर्न आग्रह