काठमाडौं– बलिउड अभिनेता अनुपम खेर नेपाल आएका छन्। उनले सामाजिक सञ्जालमार्फत आफू नेपालमा आएको जानकारी बिहीबार दिएका हुन्। उनी बुधबार नेपाल आएर बिहीबार भारत फर्किएका छन्।
इन्स्टाग्राममार्फत आफू नेपाल आएको जानकारी दिँदै उनले पशुपतिको दर्शन गरेको बताएका छन्। उनले भनेका छन्, ‘आज फेरि एक पटक नेपालमा भगवान पशुपतिनाथमा दर्शन गर्ने मौका मिलेको छ। यहाँ आएपछि एक किसिमको उर्जा मिल्छ।’
बुधबार नेपाल आइपुगेका उनले सोही दिन हायात रिजेन्सीमा आयोजित एक कार्यक्रममा मोटिभेशनल स्पिच दिएका थिए। एक बैंकले आयोजना गरेको कार्यक्रममा उनी भाग लिन नेपाल आएको बताइएको छ।
अनुपम खेर केही समयअघि नेपालमा आफ्नो फिल्मको छायांकनका लागि पनि आएका थिए। सुरज बर्जात्यको निर्देशनमा बनेको फिल्म ‘उचाईं’को छायांकनका लागि उनी नेपाल आएका थिए। उक्त फिल्म हाल प्रदर्शनको संघारमा रहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
