सचिवपछि ‘जादुगर’ बने जितेन्द्र कुमार

समाचार

नेपाल लाइभ बुधबार, असार ८, २०७९ ०८:२९

काठमाडौं– चर्चित हिन्दी वेब सिरिज ‘पञ्चायत’मार्फत् चर्चामा आएका अभिनेता जितेन्द्र कुमार फरक भूमिकामा देखिएका छन्। ‘पञ्चायत’मा फुलेरा गाउँको सचिव भएका जितेन्द्र आगामी फिल्ममा जादुगरको भूमिकामा देखिएका छन्।

प्रसंग नेटफिल्क्समार्फत् प्रदर्शन हुने आगामी फिल्म ‘जादुगर’को हो। समिर सक्सेनाले निर्देशन गरेको यो फिल्म कमेडी ड्रामा रहेको छ। मंगलबार फिल्मको ट्रेलर सार्वजनिक भएको छ।

फिल्ममा जितेन्द्रले मिनुको भूमिका निभाएका छन्। जादुमा रुचि भएको र फुटबल खेल्ने मिनुको जीवनको कथालाई फिल्ममा देखाइएको छ। आफ्नो प्रेम प्राप्तिका लागि गाउँको फुटबल टिमलाई फाइनलसम्म पुर्‍याउनुपर्ने जिम्मेवारी पाएको मिनुको कथा फिल्ममा छ।

फिल्ममा जितेन्द्र कुमारसँगै जावेद जाफेरी र आरुषी शर्मा मुख्य भूमिकामा छन्। फिल्म १५ जुलाईमा नेटफिल्क्समार्फत् रिलिज हुनेछ।

हेर्नुहोस ट्रेलर :

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

न्याय प्रणालीमा विश्वास गर्ने ठाँउ भएको सभापति रवि लामिछानेको भनाइ

वडाध्यक्षको तरकारीखेती मोह

अमेरिकाको भर्जिनियामा कार दुर्घटना हुँदा २ नेपालीको मृत्यु