अक्षयको ‘रक्षाबन्धन’मा दाजु–बहिनीको प्रेम

समाचार

नेपाल लाइभ बुधबार, असार ८, २०७९ ०७:४९

काठमाडौं– बलिउड अभिनेता अक्षय कुमारको आगामी फिल्म ‘रक्षाबन्धन’को ट्रेलर सार्वजनिक भएको छ। फिल्मको ट्रेलर मंगलबार सार्वजनिक भएको हो।

फिल्ममा अक्षयले तीन बहिनीहरुको दाई र एक प्रेमीको भूमिका निभाएका छन्। आफ्ना बहिनीहरुको विवाहका लागि दाइजोमा दिन आवश्यक रकम जुटाउन र आफ्नो प्रेम पनि सफल बनाउन उनले गरेको संघर्ष फिल्ममा प्रस्तुत भएको ट्रेलरबाट देखिन्छ। फिल्ममा अक्षयले आफ्ना बहिनीहरुलाई गरेको प्रेम र सम्बन्धको सुन्दरतालाई प्रस्तुत गरिएको छ।

फिल्ममा अक्षयसँगै भूमि पेडनेकर मुख्य भूमिकामा छिन्। सँगै सहेजमनि कौर, दिपिका खन्ना, सदिया खातिव, स्मृथी श्रीकान्त र सिमा पाह्वाको अभिनय फिल्ममा रहेको छ।

फिल्मलाई आनन्द एल. रायले निर्देशन गरेका छन् भने हिमांशु शर्मा र कनिका डिल्लनले लेखेका छन्। आनन्दले यसअघि ‘तनु वेड्स मनु’, ‘राञ्झना’, ‘जिरो’लगायतका फिल्मको निर्देशन गरेका थिए।

फिल्म अगस्ट ११ मा प्रदर्शनमा आउनेछ।

हेर्नुहोस ट्रेलर :

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

रवि आज काठमाडौं जिल्ला अदालतमा उपस्थित हुँदै

अब बैंक खाता खोल्न राष्ट्रिय परिचयपत्र चाहिने

धरौटी रकम बुझाएर अदालतबाट निस्किए रवि