सुरक्षा/अपराध

छात्रामाथि यौन दुर्व्यवहार प्रकरण : सेन्ट लरेन्सका दुई शिक्षक जेल चलान

नेपाल लाइभ मंगलबार, असार ७, २०७९ १८:५२

काठमाडौं– छात्रामाथि यौन दुर्व्यवहार गरेको आरोपमा पक्राउ परेका चाबहिलस्थित सेन्ट लरेन्स कलेजका एक शिक्षक र कोर्ष को–अर्डिनेटर जेल चलान भएका छन्।

बुधबार जिल्ला अदालत काठमाडौंले कलेजका कोर्ष को–अर्डिनेटर काभ्रेपलाञ्चोकको भुम्लु गाउँपालिका–१ स्थायी ठेगाना भइ हाल काठमाडौं कागेश्वरी मनोहरा नगपालिका–८ बस्ने वर्ष ४७ वर्षीय जनार्दन अधिकारी र शिक्षक काठमाडौं कागेश्वरी मनोहरा नगरपालिका–७ का ५१ वर्षीय राजन कुमार पौडेललाई पुर्पक्षका लागि जेल चलानका आदेश गरेको हो।

उनीहरूले कलेजमा अध्ययनरत केही छात्रालाई यौन दुर्व्यवहार गरेको भन्दै विद्यार्थी आन्दोलित बनेका थिए। पीडित नाबालिकाहरूका अभिभावकले समेत यस विषयमा प्रहरी वृत्त गौशालामा जाहेरी दिएका थिए।

जाहेरी पश्चात अनुसन्धान सकेर अदालतमा मुद्दा दर्ता भएको हो। सोही मुद्दाको सुनुवाइ गर्दै उनीहरु दुवै जनालाई अदालतले पुर्पक्षका लागि पठाएको हो।

अधिकारी र पौडेलउपर मुलुकी अपराध (संहिता) ऐन, २०७४ को परिच्छेद–१८ को दफा २२५ को बाल यौन दुरुपयोग गर्न नहुने सम्बन्धी कसूर मुद्दामा काठमाडौं मुद्दा चलेको थियो।

यो पनि पढ्नुहोस्

चाबहिलको सेन्ट लरेन्स कलेजका शिक्षकले दुर्व्यवहार गरेको भन्दै विद्यार्थीहरु आन्दोलितमंगलबार, जेठ १०, २०७९

यो पनि पढ्नुहोस्

छात्रामाथि यौन दुर्व्यवहार गरेको आरोपमा सेन्ट लरेन्स कलेजका शिक्षक पक्राउबुधबार, जेठ ११, २०७९

यो पनि पढ्नुहोस्

सेन्ट लरेन्स कलेजको घटना : जाहेरी लिने प्रक्रिया अघि बढ्यो, आरोपित प्रहरी निगरानीमामंगलबार, जेठ १०, २०७९

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

केवलकारको विषयमा झडप हुँदा गोली लागेका ३ जनाको अवस्था गम्भीर

मदन राई बाल यौन दुरूपयोगमा अदालतबाट दोषी ठहर

रविका पक्षमा रमण श्रेष्ठको बहस सुरु