सैनिक पोशाक लगाएर निकुञ्जमा सिकार, बन्दुकसहित समातिए सिकारी

सुरक्षा/अपराध

नेपाल लाइभ सोमबार, जेठ ३०, २०७९ १९:२९

रातो घेरोभित्रका सैनिक पोशाक लगाएका व्यक्ति सिकारी हुन्

काठमाडौं–सैनिक पोशाक लगाएर निकुञ्जमा सिकार हुने गरेको पाइएको छ। नेपाली सेनाको टोलीले बाँके राष्ट्रिय निकुञ्जबाट सेनाकै पोशाकमा एक सिकारीलाई पक्राउ गरेपछि उक्त तथ्य बाहिर आएको हो।

बाँके राष्ट्रिय निकुञ्ज सुरक्षार्थ तैनाथ नेपाली सेनाको अर्जुनबाण गण र निकुञ्ज प्रशासन कार्यालयका कर्मचारीसहित खटिएको संयुक्त गस्ती टोलीले सैनिक पोशाकसहित सिकारी बलबहादुर पल्लीलाई पक्राउ गरेको हो।

बाँकेको कोहलपुर नगरपालिका–१३ सिम्रीका ५४ वर्षीय पल्लीले निकुञ्जस्थित बैनी मध्यवर्ती क्षेत्रमा रुखको टोड्कामा लुकाई राखेको अवस्थामा भरुवा बन्दुक नालसमेत सेनाले बरामद गरेको छ।

बरामद गरिएको हतियारसहित उनलाई कारबाहीका लागि बाँके राष्ट्रिय निकुञ्ज कार्यालयमा बुझाईएको सेनाले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

एन्फा महिला लिग फुटबलः पुलिसले आर्मीलाई हराउँदै फाइनमा

नाइजेरियामा भिडन्त हुँदा २२ सैनिकको मृत्यु

राष्ट्रको विकासमा सबैको भूमिका महत्त्वपूर्ण : पूर्वराष्ट्रपति भण्डारी