३१ गते विवाह बन्धनमा बाँधिदै गायिका इन्दिरा जोशी

समाचार

नेपाल लाइभ आइतबार, जेठ २९, २०७९ १६:४२

काठमाडौं– गायिका इन्दिरा जोशी ३१ गते विवाह बन्धनमा बाँधिने भएकी छिन्। उनी फेसन डिजाइनर शरद केडियासँग विवाह बन्धनमा बाँधिन लागेकी हुन्।

इन्दिरा र शरद विगत ३ वर्षदेखि प्रेम सम्बन्धमा थिए। केही समयअघि शरदले इन्दिरालाई प्रपोज गरेको भिडियो निकै चर्चित पनि भएको थियो।

हालसालै विवाहअघिको मेहन्दी संस्कार गरेका इन्दिरा र शरदले ३१ गते मंगलबार विवाह गर्न लागेका छन्। इन्दिराले सामाजिक सञ्जालमार्फत् विवाहबारे जानकारी दिएकी हुन्।

इन्दिराले सामाजिक सञ्जालमा लेखेकी छिन्, ‘भगवानको साथ र आफन्तको आशीर्वादसहित हामी विवाह बन्धनमा बाँधिने निधो गरेका छौं। हामीलाई प्रेम र आशीर्वाद दिनुहुने सम्पूर्णप्रति आभार छौं।’

उनीहरुको विवाह काठमाडौंकै एक होटलमा सीमित आफन्त र साथीभाइको उपस्थितिमा हुने बताइएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

शैक्षिक सत्र सुरु नभई भर्ना खुलाए काठमाडौँ महानगरपालिकाले कारबाही गर्ने

यी १४ संघीय अस्पतालमा १८ वटा सेवा थप र विस्तार हुँदै, कुन अस्पतालमा के?

केयूको उपकुलपतिमा प्रा. डा. अच्युत वाग्ले नियुक्त