राप्ती हाइड्रोको आईपीओ मंगलबारदेखि भर्न सकिने

बैंक/बिमा/सेयर

नेपाल लाइभ मंगलबार, जेठ २४, २०७९ ०७:४८

काठमाडौं– राप्ती हाइड्रो एण्ड जनरल कन्स्ट्रक्सन लिमिटेडले मंगलबारदेखि आईपीओ निष्काशन तथा बिक्री खुला गर्ने भएको छ। कम्पनीले आयोजना प्रभावित क्षेत्रका बासिन्दाहरुका लागि आईपीओ निष्काशन गर्न लागेको जनाएको छ।

कम्पनीले प्रतिसेयर १०० अंकित मूल्यका ६ लाख १२ हजार ७९३ कित्ता साधारण सयर निष्काशन गर्न लागेको हो। कम्पनीले आयोजना प्रभावित क्षेत्र अर्थात् रुकुम पूर्व र रुकुम पश्चिमका स्थानीय बासिन्दाहरुका लागि आईपीओ निष्काशन गर्न लागेको बताएको छ।

निष्काशन बन्द छिटोमा असार ७ र ढिलोमा असार २२ गते हुनेछ। ग्लोबल आइएमई बैंकको छिप्रीदह र मुसिकोट शाखा कार्यालय, सिद्धार्थ बैंकको पुथा उत्तरगंगा र मुसिकोट शाखा कार्यालय र प्रभु बैंकको मुसिकोट शाखा कार्यालयबाट आवेदन दिन सकिने कम्पनीले जनाएको छ।

यसका साथै नेपाल धितोपत्र बोर्डबाट स्वीकृतिप्राप्त गरेका सम्पूर्ण सी–आस्वा सदस्य बैंक तथा वित्तीय संस्था र तिनका शाखा कार्यालयबाट आवेदन दिन सकिनेछ।

कम्पनीको सेयर निष्काशन तथा बिक्री प्रबन्धक सिद्धार्थ क्यापिटल लिमिटेड रहेको छ। लगानीकर्ताले न्यूनतम १० अधिकतममा ६ लाख कित्ताका लागि आवेदन दिन सक्नेछन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

भारत भ्रमणबारे धेरै चर्चा गर्न आवश्यक छैन, निम्तो आए गइन्छ : प्रधानमन्त्री ओली

सहकारीमा देखापरेका समस्या हल गर्न अध्यादेश ल्याउने निर्णय भइसकेको छ: उपप्रधानमन्त्री सिंह

पोखरा अन्तर्राष्ट्रिय विमानस्थलमा सिचुवान एयरलाइन्सको जहाज अवतरण