काठमाडौंमा साथीमाथि खुकुरी प्रहार गरेर फरार भएका युवासंघका पूर्व जिल्लाअध्यक्ष पक्राउ

सुरक्षा/अपराध

नेपाल लाइभ सोमबार, जेठ २३, २०७९ १३:५३

काठमाडौं– आफ्नै साथीलाई खुकुरी प्रहार गरेर फरार भएका युवा संघ अछामका पूर्व जिल्लाअध्यक्ष पक्राउ परेका छन्। पक्राउ पर्नेमा बर्दियाको गुलेरिया नगरपालिका–६ का ३६ वर्षीय कपिल भण्डारी छन्।

उनलाई काठमाडौं उपत्यका अपराध अनुसन्धान कार्यालयको टोलीले इलाका प्रहरी कार्यालय धरानको सहयोगमा पक्राउ गरेको हो। पक्राउ परेका भण्डारी युवा संघ अछामका पूर्व अध्यक्ष समेत हुन्।

उनले गत फागुन २५ गते बिहान साढे ८ बजेतिर काठमाडौं मध्यबानेश्वरमा आफ्नै साथी अछामको मगलसेन–३ का ३३ वर्षीय कमानसिंह बोगटीलाई खुकुरी प्रहार गरेका थिए।

प्रहरीका अनुसार उनले पहिलेको रिसिइबी साध्न बोगटीमाथि खुकुरी प्रहार गरेका थिए। बोगटी मोटरसाइकलमा सवार रहेको बेला पछाडिबाट खुकुरी प्रहार भएको थियो। उनको ढाड, हात र खुट्टामा गहिरो चोट लागेको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

नेदरल्याण्ड्सले दियो नेपाललाई १५८ रनको ठूलो विशाल लक्ष्य

अमेरिकामा हेलिकप्टर दुर्घटनाः १८ जनाको शव भेटियो, अन्यको खोजीकार्य जारी

सरकारले ल्याएको अध्यादेश अस्वीकार गर्ने विपक्षी दलहरुको निर्णय