मोटरसाइकल चोरीमा संलग्न रहेको आरोपमा २ जना पक्राउ

सुरक्षा/अपराध

नेपाल लाइभ बुधबार, जेठ १८, २०७९ ११:४७

झापा– जिल्ला प्रहरी कार्यालय झापाले मोटरसाइकल चोरीमा संलग्न रहेको आरोपमा २ जनालाई पक्राउ गरेको छ। उनीहरुको साथबाट चोरी भएको ४ थान मोटरसाइकल बरामद भएको प्रहरीले जानकारी दिएको छ।

पक्राउ पर्नेहरुमा पाँचथरको मिक्लाजुङ गाउँपालिका-५ घर भएका २१ बर्षीय चन्द्र कुमार योङया र २० बर्षीय सुरेन्द्र भनिने जिवन कुरुङवाङ रहेका छन्।

गत १३ गते दमक नगरपालिका-६ बाट हराएको मोटरसाइकल खोजतलास गर्ने क्रममा उनीहरुले चलाइ रहेको अवस्थामा फेला पारी दुबै जनालाई मिक्लाजुङ गाउँपालिका-६ शंखधर चोकबाट पक्राउ गरेको हो।

पक्राउ परेका दुबै जनालाई सोधपुछ गर्ने क्रममा उनीहरुले नै झापाका बिभिन्न स्थानहरुबाट चोरी गरेका अन्य ३ थान मोटरसाइकल समेत बरामद भएको जिल्ला प्रहरी कार्यालय झापाले जनाएको छ। पक्राउ परेका उनीहरुको सम्बन्धमा थप अनुसन्धान जारी रहेको प्रहरीले जानकारी दिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अमेरिकामा विमान दुर्घटनाः सवार ६४ मध्य कोही पनि नबाँचेको जानकारी गराइयो

दलिय एकता र सहकार्यका लागि मधेश केन्द्रित दलहरुले गरे कार्यदल गठन

सामाजिक सञ्‍जालसम्बन्धी विधेयकका प्रावधान प्रति रास्वपाको विरोध