न्यूजिल्याण्ड पठाउने भन्दै ३० लाख ठगी गर्ने पक्राउ

सुरक्षा/अपराध

नेपाल लाइभ मंगलबार, जेठ १७, २०७९ १७:३५

काठमाडौं– न्यूजिल्याण्ड पठाउने भन्दै ठगी गरेको आरोपमा एक व्यक्ति पक्राउ परेका छन्। काठमाडौं उपत्यका अपराध अनुसन्धान कार्यालयले ठगी आरोपमा नागार्जुन नगरपालिका–९ स्युचाटारका ४५ वर्षीय विकास भट्टराई खत्रीलाई पक्राउ गरेको हो।

उनले नवलपरासीको कावासोतीका २८ वर्षीय विकास जोशी र तनहुँको रिसिङ गाउँपालिका–५ का २७ वर्षीय अमृत चन्दलाई न्यूजिल्याण्ड पठाउने भन्दै ठगी गरेको अपराध अनुसन्धान कार्यालयका एसपी तथा प्रवक्ता कृष्ण कोइरालाले जानकारी दिए।

उनले यी दुई व्यक्तिलाई वर्किङ भिषामा न्यूजिल्याण्ड पठाउने भन्दै जनही १५ लाखका दरले ३० लाख रुपैयाँ लिएर ठगी गरेको खुलेको छ।

३० लाख लिएपछि सम्पर्कविहीन भएका भट्टराईलाई वैदेशिक रोजगार विभागबाट पक्राउ पूर्जी जारी भएपछि प्रहरीले पक्राउ गरेको हो। कारबाहीका लागि भट्टराईलाई विभागमा बुझाइएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अमेरिकामा विमान दुर्घटनाः सवार ६४ मध्य कोही पनि नबाँचेको जानकारी गराइयो

दलिय एकता र सहकार्यका लागि मधेश केन्द्रित दलहरुले गरे कार्यदल गठन

सामाजिक सञ्‍जालसम्बन्धी विधेयकका प्रावधान प्रति रास्वपाको विरोध