‘चिसो मान्छे’ नेपालसँगै अमेरिका र क्यानडामा पनि असार ३ मै प्रदर्शन हुने

सिनेमा

नेपाल लाइभ आइतबार, जेठ १५, २०७९ १२:३४

काठमाडौं– दिपेन्द्र के खनालको निर्देशनमा बनेको फिल्म ‘चिसो मान्छे’ नेपालसँगै अमेरिका र क्यानडामा पनि एकै दिन प्रदर्शन हुने भएको छ। फिल्मको निर्माण पक्षले बताएअनुसार फिल्म असार ३ गते नै क्यानडा र अमेरिकाका विभिन्न सहरमा प्रदर्शनमा आउने भएको हो।

कोरोनाकालको समयमा श्रीमानको शव लिन काठमाडौं आएकी महिला र शव लिएर घर फर्किदाँको कथालाई फिल्ममा महिलाको मनोविज्ञानको विषयलाई समेटिएको छ।

केही दिनअघि फिल्मका ट्रेलर सार्वजनिक हुँदा फिल्मलाई सकारात्मक प्रतिक्रिया मिलेको थियो। खनालको निर्देशनमा बनेको फिल्मको कथा तथा छायांकन पनि उनैले गरेका छन्। डिएस डिजिटलको ब्यानरमा बनेको फिल्मलाई शर्मिला पाण्डेले निर्माण गरेकी छिन्।

फिल्ममा अपर्ण थापा, स्वस्तिमा खड्का र देश भक्त खनाल मुख्य भूमिकामा छन्। यी बाहेक फिल्ममा आशान्त शर्मा, प्रभाकर न्यौपाने, रामबाबु रेग्मी, झाकेन बिसी, पुष्पा अवस्थी, सञ्जोग रसाइली, विकास खनाललगायतका कलाकारको अभिनय रहेको छ। फिल्मलाई दिर्घ खड्काले सम्पादन गरेका छन्।

हेर्नुहोस चिसो मान्छेको ट्रेलरः

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

केयूको उपकुलपतिका लागि पिएचडी अनिवार्य गरिएको भन्दै सर्वोच्चमा रिट निवेदन दर्ता

प्रशासकीय अधिकृत माग्दै बालेनले लेखे सामान्य प्रशासन मन्त्रालयलाई पत्र

प्रचण्ड र माधव नेपाललाई भेटेपछि राजेन्द्र लिङ्देनको अभिव्यक्ति: अब यो नेतृत्व र व्यवस्थाले देश बन्दैन