काठमाडौं– भारतको लद्दाखमा भएको सडक दुर्घटनामा ७ सैनिकको मृत्यु भएको छ। करिब २६ जना सैनिक कर्मचारी बोकेको बस दुर्घटना हुँदा ७ जनाको मृत्यु भएको भारतीय सञ्चारमाध्यमहरुले जनाएका छन्।
भारतीय सेनाले एक वक्तव्य जारी गर्दै लद्दाखको परतापुरको ट्रान्जिट क्याम्पबाट सब सेक्टर हनिफ गइरहेको २६ सैनिक सवार बस सडकबाट श्योक नदीमा खसेको जनाएको छ। दुर्घटना १९ जना घाइते भएका छन् भने ७ जनाको मृत्यु भएको छ।
दुर्घटना शुक्रबार बिहान भएको हो। स्थानीय नुब्रा प्रहरी स्टेशनका अधिकारीहरुले चालकको लापरवाहीका कारण दुर्घटना भएको प्रारम्भिक जानकारी प्राप्त भएको जनाएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1771406444.png)
-1764146706.png)
