नेप्से परिसूचक ओरालो, एक अर्ब २९ करोडको कारोबार

बैंक/बिमा/सेयर

नेपाल लाइभ शुक्रबार, जेठ १३, २०७९ १८:०४

काठमाडौं- धितोपत्र बजारमा सेयर कारोबार मापक नेप्से परिसूचक दोहोरो अंकले ओरालो लागेको छ। नेपाल स्टक एक्सचेञ्जका अनुसार शुक्रबार नेप्से परिसूचक १५.८२ अंकले ओरालो लागेर दुई हजार २२३.७८ मा ओर्लेको छ।

यस्तै, ठूला कम्पनीको सेयर कारोबार मापन गर्ने सेन्सेटिभ परिसूचक ३.४० अंकले ओरालो लागेर ४३३.०७ अंकमा ओर्लिएको छ। कूल २२३ कम्पनीको ४१ लाख ४० हजार ६६५ कित्ता सेयर रु एक अर्ब २९ करोड ८९ लाख पाँच हजार ५९० बराबरको कारोबार भयो।

कारोबार भएका कूल १३ उपसमूहमध्ये होटल तथा पर्यटन उपसमूह बाहेक अरु सबै उपसमूहको सेयर ओरालो लागेको छ। होटल तथा पर्यटन २.४ अङ्कले उकालो लाग्यो। त्यस्तै, बैंकिङ ६.०८, व्यापार १३.१५, विकास बैंक ३७.५४, जलविद्युत् २९.७३, २९.७३, वित्त २२.३६, निर्जीवन बीमा ६८.४६, उत्पादन ३७.८१, अन्य २९.९८, लघुवित्त २०.७५, जीवन बीमा ७८.८१, सामूहकि लगानी कोष ०.०१ र लगानी ०.४२ अङ्कले ओरालो लागेको छ।

कारोबारका आधारमा प्रभु बैंकको संस्थापक सेयरको कारोबार शीर्ष स्थानमा रह्यो। सो बैंकको रु १७ करोड ६० लाख ७५ हजार बराबरको कारोबार भयो।

मेगा बैंक रु नौ करोड ८२ लाख ४० हजार ६६४, अरुण भ्याली हाइड्रोपावर रु चार करोड ६२ लाख ४७ हजार ४७९, अरुण काबेली पावर रु तीन करोड ८२ लाख २५ हजार ५६२ र नबिल बैंक रु तीन करोड ५७ लाख ३९ हजार १६२ बराबरको कारोबार भई शीर्ष पाँच स्थानमा रहे।

नेप्सेका अनुसार रुरु जलविद्युत् परियोजना ६.१३, नारायणी डेभलपमेन्ट बैंक ५.३१, उपकार लघुवित्त ४.०४, युनाइटेड इर्दी मर्दी ४.०१ र मेगा म्युचुअल फण्ड एकका लगानीकर्ताले २.३१ प्रतिशतले कमाए ।

त्यस्तै, दिव्यश्वरी हाइड्रोपावर ३.७५, हिमाल दोलखा हाइड्रोपावर ३.७४, कर्णाली डेभलपमेन्ट बैंक ३.६५, माथिल्लो तामाकोशी हाइड्रोपावर ३.२१ र लिवर्टी इनर्जी कम्पनीका लगानीकर्ताले ३.१० प्रतिशतले गुमाए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सम्पदालाई न्यायोचित रुपमा प्रयोग गर्नुपर्छ : उपप्रधानमन्त्री सिंह

आचरसंहिता उल्लङ्घन गर्ने अनलाइन कालोसूचीमा

फ्रान्सले युक्रेन बिना नै युद्धबारे छलफलका गर्न चाहेको रूसी दावी