काठमाडौं–विभिन्न १३ विद्यार्थी संगठनले पेट्रोलियम पदार्थमा भएको मूल्यवृद्धि फिर्ता लिन दबाब दिने उद्धेश्यले पहिलो चरणको आन्दोलनका कार्यक्रम घोषणा गरेका छन्।
सोमबार संयुक्त विज्ञप्ति प्रकाशित गर्दै उनीहरुले आन्दोलनका कार्यक्रम घोषणा गरेका हुन्। घोषित कार्यक्रमअन्तर्गत जेठ १० गते अर्थ मन्त्रालय र उद्योग वाणिज्य तथा आपूर्ति मन्त्रीलाई ज्ञापनपत्र बुझाउने, जेठ ११ गते ११ बजे आयल निगमको केन्द्रीय कार्यालय टेकुमा घेराउ कार्यक्रम गर्ने र देशभरका क्याम्पसमा कालो ब्यानर राख्ने र १२ गते साँझ काठमाडौंमा टर्चलाइट जुलुस प्रदर्शन गर्ने रहेका छन्।
उनीहरुले खाद्यान्नलगायत दैनिक उपभोग्य वस्तुको कालोबजारी नियन्त्रण गरी जनतालाई राहत प्रदान गर्न र पटक–पटक पेट्रोलियम पदार्थमा हुने गरेको मूल्यवृद्धिको दीर्घकालीन समाधान खोज्न तथा पेट्रोलियम इन्धनको विकल्पका रुपमा जलविद्युतको पर्याप्त उपलब्धता हुने व्यवस्था गर्न समेत माग गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1787821306.jpg)
-1786513116.png)
