काठमाडौं– साप्ताहिक कारोबार पहिलो दिन सोमबार सेयर बजार उच्च अंकल ओरालो लागेको छ। सरकारले शनिबार र आइतबार सार्वजनिक बिदा दिने निर्णय गरेपछि पहिलोपटक सोमबारदेखि बजार सुरु हुँदा नेप्से परिसूचक उच्च अंकले घट्यो।
सोमबार सेयर बजार परिसूचक (नेप्से) ३४.२१ अंकले घटेर २२००.८८ विन्दुमा झरेको छ।
ठूला कम्पनीको कारोबार मापक सेन्सेटिभ परिसूचक ५.६९ अङ्कले ओरालो लागेर ४२९.०५ अङ्कमा झरेको छ। नेप्से ओरालो लागेसँगै कारोबार रकमसमेत ओरालो लागेको छ। कूल २२४ कम्पनीको ३९ लाख १७ हजार ६५५ कित्ता शेयर १ अर्ब ३६ करोड ९५ लाख १३ हजार १९२ मूल्यमा खरिद बिक्री भए।
गत हप्ताको अन्तिम कारोबार दिन (शुक्रबार)को तुलनामा कारोबार रकम भने केही बढेको हो। पहिलोपटक शुक्रबारसम्म कारोबार भएको बेला सेयर बजारको कारोबार रकम ९३ करोड २२ लाख ६ हजार रुपैयाँमा खुम्चिएको थियो।
सोमबार कारोबार भएका कूल १३ उपसमूहको शेयर मूल्य नै ओरालो लागेको छ। बैंकिङ १७.९६, व्यापार २१.८५, होटल तथा पर्यटन ७०.६९, विकास बैंक ७५.९२, जलविद्युत् ५३.०९, वित्त ३३.३२, निर्जीवन बीमा १६३.७९, उत्पादन ७२.४४, अन्य ४.०१, लघुवित्त ८४.७८, जीवन बीमा २८५.८८, सामूहिक लगानी कोष ०.१४ र लगानी १.४७ अङ्कले ओरालो लागेको छ।
कारोबारका आधारमा नबिल बैंक शीर्ष स्थानमा छ। सो बैंकको ४ करोड १५ लाख ९ हजार २६५ बराबरको कारोबार भयो। अरुण भ्याली हाइड्रोपावर ३ करोड ८७ लाख २७ हजार, नेपाल लाइफ इन्स्योरेन्स ३ करोड ८५ लाख ७३ हजार ५८९, नागरिक लगानी कोष ३ करोड ६४ लाख २६ हजार ९४६ र हिमालयन डिस्टिलरी ३ करोड ५३ लाख ८३ हजार ७४३ बराबरको कारोबार भइ शीर्ष पाँचमा रहे।
नेप्सेका अनुसार गुराँस लघुवित्त ६.२०, प्रभु लाइफ इन्स्योरेन्स ५.२६, लुम्बिनी जनरल इन्स्योरेन्स ४.०२, एनएमबी फिफ्टी ४.०१, युनाइटेड इदि मर्दी आरबी हाइड्रोपावरका लगानीकर्ताले ३.९२ प्रतिशतले कमाएका छन्। मिथिला लघुवित्त ५.८९, विन नेपाल लघुवित्त ५.८७, तेह्रथुम पावर कम्पनी ५.४३, प्रभु इन्स्योरेन्स ५.१४ र लाइफ इन्स्योरेन्स कर्पोरेशनका लगानीकर्ताले ५.०४ प्रतिशतले गुमाए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787798392.jpg)
-1786602170.png)
-1787821306.jpg)
-1786513116.png)
