काठमाडौं– भारतका विभिन्न ठाउँमा अत्यधिक वर्षा र चट्याङका कारण जनजीवन प्रभावित भएको छ। धेरै ठाउँमा अत्यधिक गर्मीको समस्या देखिरहेको बेला भारतका तीन राज्यमा वर्षा र त्यसपछि आएको बाढी तथा चट्याङले जनजीवन प्रभावित बनाएको हो।
भारतको विहारमा शुक्रबार आएको तुफान र चट्याङ लागेर ३३ जनाको मृत्यु भएको छ। विहार राज्यका विभिन्न १६ जिल्लामा उनीहरुको मृत्यु भएको हो।
त्यस्तै, भारतको असम राज्यका चार जिल्ला नागांव, होजई, कछार र दखरांगमा पनि बाढीका कारण जनजीवन निकै प्रभावित भएको छ। अहिलेसम्म यी ठाउँमा अत्यधिक वर्षा र बाढीका कारण १५ जनाले ज्यान गुमाएका छन्। सँगै ५ सयभन्दा धेरै परिवार वर्षाका कारण रेलवे ट्रयाकमा रहन बाध्य हुने अवस्था आएको भारतीय सञ्चारमाध्यम दैनिक भास्करले जनाएको छ।
आसामकै २९ जिल्लामा ७ लाख १२ हजार मानिस घरबारविहीन भएका छन्। असम राज्यको आपतकालीन अवस्थाबारे हेर्ने विपद् व्यस्थापन निकायकाअनुसार २९ जिल्लामा ७ लाखभन्दा धेरै मानिस (५ सयभन्दा धेरै परिवार) घरबाट विस्थापति भएका छन्।
त्यस्तै, कर्नाटक राज्यमा ९ जनाको मृत्यु भएको छ। प्रि–मनसुनका कारण परेको वर्षापछिको बाढीका कारण ९ जनाको मृत्यु भएको बताइएको छ। बाढीका कारण कर्नाटकमा २३ घर क्षतिग्रस्त भएको छ।
राज्यका राजस्वमन्त्री आर अशोकका अनुसार चिकमंगलुर, दक्षिण कन्नड, उडुपी, शिवमोग्गा, दावणगेरे, हसन र उत्तर कन्नड जिल्लामा हाल रेड अलर्टसमेत जारी गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787821306.jpg)
-1786602170.png)
-1786513116.png)
