भारतबाट पैदल नेपाल आइरहेका युवक २९ लाख रुपैयाँ बराबरको सुनसहित पक्राउ

सुरक्षा/अपराध

नेपाल लाइभ बिहीबार, जेठ ५, २०७९ ११:३५

काठमाडौं– करिब २९ लाख रुपैयाँ बराबरको अवैध सुनसहित एक युवक पक्राउ परेका छन्। झापाको मेचिनगर नगरपालिका–६ पुरानो मेचीपुलबाट अवैध सुनसहित कैलाली घर भइ दमक नगरपालिका–२ मा बस्दै आएका ३३ बर्षीय धिरेन्द्र जैसी पक्राउ परेका हुन्।

बुधवार दिउँसो साँढे १ बजे भारतबाट नेपाल तर्फ आँउदै गरेका जैसीलाई अबैध सुनसहित पक्राउ गरिएको प्रहरीले जानकारी दिएको छ। बिशेष सूचनाको आधारमा इलाका प्रहरी कार्यालय काँकडभिट्टाबाट खटिएको प्रहरी टोलीले जैसीलाई पक्राउ गरेको हो।

शंकास्पद रुपमा भारतबाट नेपालतर्फ पैदल आउँदै गरेका जैसीलाई जाँच गर्ने क्रममा उनको साथबाट ३४९ दशमलव ७०० ग्राम सुन बरामद भएको प्रहरीले जानकारी दिएको छ। बरामद भएको सुनको बजारमूल्य अनुसार २८ लाख ८७ हजार १८२ रुपैयाँ छ।

सुनसहित पक्राउ परेका जैसीलाई आवश्यक कारबाहीका लागि मेची भन्सार कार्यालय बुझाइएको इलाका प्रहरी कार्यालय काकडभिट्टाले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सामसङ नेपालले सार्वजनिक गर्यो ग्यालेक्सी एस२५ सिरिज, प्रि–अर्डर अफर सुरु

सुनको मूल्य २ हजार ३ सयले बढ्यो, कतिमा हुँदैछ कारोवार ?

संसदमा आज: प्रधानमन्त्रीसहित शीर्ष नेताले सम्बोधन गर्ने, विपक्षी दलहरुले अध्यादेशको विरोध गर्ने तयारी