पर्वत–पर्वतको कुश्मा नगरपालिका–८ चुवा स्थित परादीमा जीप र बस ठोक्किएर भएको दुर्घटनामा एक जनाको मृत्यु भएको छ। मृत्यु हुनेमा जीपचालक बागलुङको काठेखोला गाउँपालिका–७ का ३१ वर्षीय लालबहादुर थापा मगर रहेका छन्। दुर्घटनामा १३ जना घाइते भएका छन्।
घाइतेमध्ये तीन जनाको अवस्था गम्भीर छ। उनीहरुलाई थप उपचारका लागि पोखरा पठाइएको जिल्ला प्रहरी कार्यालय पर्वतले जनाएको छ । अन्य १० जनाको जिल्ला अस्पताल पर्वतमा उपचार भइरहेको छ।
बागलुङबाट पोखराका लागि छुटेको ग१ज ७२५६ नम्बरको टाटासुमो र पोखराबाट कुश्माका लागि छुटेको ग१ख ५२१८ नम्बरको बस ठोक्किँदा दुर्घटना भएको जिल्ला प्रहरी कार्यालय पर्वतका सूचना अधिकारी प्रहरी निरीक्षक राजेन्द्र अधिकारीले बताए। जीप सडकबाट हुत्तिएर सडक बाहिरको नालीको भागमा पुगेको छ।
केही घाइतेलाई जीपभित्रै च्यापिएको अवस्थामा नेपाल प्रहरी र सशस्त्र प्रहरीले उद्धार गरेका थिए। अहिले उपचार नै चलिरहेका कारण सबै घाइतेको पहिचान खुलिनसकेको प्रहरी निरीक्षक अधिकारीले बताए। ट्राफिक प्रहरी नारायण श्रेष्ठका अनुसार बस गलत दिशाबाट गुडेको प्रारम्भिक अनुसन्धानमा देखिएको छ।रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778036869.gif)
-1764146706.png)
-1779545841.jpg)
