सोलुखुम्बु : कांग्रेसले पाँच स्थानमा जित्दा एमाले र माओवादीले दुई/दुई गुमाए

स्थानीय निर्वाचन

नेपाल लाइभ बुधबार, जेठ ४, २०७९ १८:२७

काठमाडौं- सोलुखुम्बु जिल्लामा स्थानीय तह निर्वाचनको मतगणना सम्पन्न भएको छ। एक नगरपालिका र सातवटा गाउँपालिका रहेको यो हिमाली जिल्लामा नेपाली कांग्रेसले नगरपालिका सहित पाँच पालिका, एमालेले दुई पालिका र माओवादी केन्द्रले एक पालिकामा जित हात पारेका छन्।

सोताङ गाउँपालिका, महाकुलुङ गाउँपालिका, नेचासल्यान गाउँपालिका, लिखु पिक गाउँपालिका, र सोलुदुधकुण्ड नगरपालीकामा नेपाली कांग्रेसले पालिका प्रमुखमा जित हासिल गरेको छ। २०७४ को निर्वाचनमा महाकुलुङ गाउँपालिका र लिखु पिक गाउँपालिका माओवादी केन्द्रले जितेको थियो। त्यस्तै, नेचासल्यानमा र सोताङमा नेकपा एमालेले जितेको थियो। एक मात्र नगरपालिकामा भने कांग्रेसकै नेतृत्व थियो।

त्यस्तै एमालेले, खुम्बु पासाङल्हामु र माप्य दुधकोशी गाउँपालिकामा जित हासिल गरेको छ। अघिल्लो निर्वाचनमा पनि यी पालिकामा एमालेले जितेको थियो।

यस्तै, थुलुङ दुधकोशी गाउँपालिकामा माओवादी केन्द्रले प्रमुख पद जितेको छ। ०७४ को निर्वाचनमा पनि यो पालिका माओवादी केन्द्रले नै जितेको थियो।

समग्रमा, सोलुखुम्बुमा कांग्रेसले अघिल्लो निर्वाचनमा भन्दा वैशाख ३० को निर्वाचनमा ४ वटा पलिकामा थप जित हासिल गरेको छ। तर एमाले र माओवादीले भने समान २ पालिका गुमाएका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

आतङ्कवाद, अराजकता र निरङ्कुशता लोकतन्त्र र प्रेस स्वतन्त्रताका शत्रु हुन् : मन्त्री गुरुङ

कक्षा १२ को परीक्षा दिँदै ६८ वर्षीय लालबहादुर

भारत–पाकिस्तान तनावले नेपालमा आर्थिक संकटको जोखिम, पूर्व गभर्नर चिरञ्जीवी नेपालको चेतावनी