बलिउड र साउथ फिल्म विवादमा रणवीर भन्छन्– सबै भारतीय सिनेमा एकै हुन्

समाचार

नेपाल लाइभ बिहीबार, वैशाख २९, २०७९ ०९:३४

काठमाडौं– हाल भारतीय सिने क्षेत्रम चलिरहेको एउटा विवाद हो, बलिउड र दक्षिण भारतीय सिनेमाको। केही समयअघि दक्षिण भारतीय फिल्मले बक्स अफिसमा गरेको कमालपछि अभिनेता महेश बाबु र अभिनेता किच्चा सुदीपको बयानले थप यो विवादलाई चर्काएको छ। केही दिनअघि दक्षिण भारतीय अभिनेता महेश बाबुले आफूलाई बलिउडले धान्न नसक्ने भन्दै बलिउडका फिल्म खेलेर आफ्नो समय बर्बाद नगर्ने बताएपछि यो विवाद थप बढेको छ।

हाल यो विवादमा बलिउड अभिनेता रणवीर सिंहले आफ्नो अभिव्यक्ति दिएका छन्। उनले बलिउड लाइफ नामक सञ्चारमाध्यमलाई दिएको अन्तर्वातामा सबै भारतीय फिल्महरु एकै भएकाले विवाद अनावश्यक भएको बताएका छन्। उनले भने, ‘म एउटा कलाकार हुन् र मलाई फिल्मको व्यापारको बारेमा धेरै ज्ञान छैन्। किनकि, म कुनै लगानीकर्ता वा विश्लेषक होइन। तर, दक्षिण भारतीय फिल्मले यति राम्रो काम गरिरहँदा विवाद आवश्यक छैन। मलाई सबै फिल्ममाथि गर्व छ किनकि सबै फिल्म भारतीय फिल्म हुन्।’

उनले दक्षिण भारतीय फिल्मले बलिउडको भन्दा धेरै व्यापार गरेको र बक्सअफिसमा राज गरेको विषयलाई लिएर विवाद अनावश्यक भएको बताएका छन्। सँगै महेश बाबु र किच्चा सुदीपले बलिउडमाथि दिएको अभिव्यक्तिको विषयमा उनले दक्षिण भारतीय सिनेमा पनि भारतीय नै भएकाले यसमा कुनै विवाद आवश्यक नभएको बताएका छन्।

रणवीर हाल आफ्नो आगामी फिल्म ‘जयेशभाई जोरदार’को प्रचारमा व्यस्त छन्। उनको यो फिल्म १३ मे मा प्रदर्शन हुँदै छ। फिल्म हास्यव्यंग्य विधामा आधारित छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

एनसेल नेपाल सुपर लिगको लागि खल्ती र आइएमई पे आधिकारिक टिकेटिङ पार्टनर

परराष्ट्र मन्त्री राणा र भारतीय विदेश मन्त्री जयशंकरबीच भेटवार्ता

गाजा आक्रमण: ४ सयभन्दा बढी मारिए, सुरक्षित स्थानतर्फ जाँदै स्थानीय