आईजीपी नियुक्ति विरुद्धको रिटमा सुनुवाइ सुरु, 'हस्तक्षेप बहस' गर्न पाउनुपर्ने सरकारी पक्षको माग

सुरक्षा/अपराध

नेपाल लाइभ बुधबार, वैशाख २१, २०७९ १२:०८

काठमाडौं– नेपाल प्रहरीको २९औं महानिरीक्षक (आईजी) बढुवाविरुद्ध सर्वोच्च अदालतमा दायर भएको रिटको पहिलो सुनुवाइ सुरु भएको छ। बुधबार पहिलो सुनुवाइमै रिटमा विपक्षी बनाइएको सरकारी पक्षले पनि बहसमा सामेल हुनुपर्ने माग गरेको छ।

धीरजप्रताप सिंहलाई प्रहरीको आईजी नियुक्त गर्ने मन्त्रिपरिषद्‌को निर्णयविरुद्ध प्रहरी अतिरिक्त महानिरीक्षक (एआईजी) विश्वराज पोखरेलले सोमबार सर्वोच्च अदालतमा रिट दायर गरेका थिए।

रिटमाथि प्रारम्भिक सुनुवाइका लागि बुधबार पेसी तोकिएको थियो। बुधबार न्यायाधीश सुष्मालता माथेमाको इजलासमा मुद्दाको सुनुवाइका लागि पेसी तोकिएकोमा सरकारी पक्षबाट सरकारी वकिल र आईजी धीरजप्रताप सिंहका निजी कानुन व्यवसायीले पनि बहसमा सहभागी हुनुपर्ने माग गरेका छन्।

सर्वोच्च अदालत स्रोतका अनुसार रिटमा अन्तरिम आदेश जारी हुनु नपर्ने भन्ने दाबीसहित बहस गर्न सरकारी वकिल र आईजी सिंहका कानुन व्यवसायी बहसमा सहभागी हुन लागेका हुन्।

अहिले न्यायाधीश माथेमाको इजलासमा रिटमाथि सुनुवाइ सुरु भएको छ। सुनुवाइको सुरुमा रिट निवेदक पक्षका कानुन व्यवसायीले बहस गर्नेछन्। रिट निवेदक पक्षका कानुन व्यवसायीको बहसपछि सरकारी वकिल र आईजी सिंहका कानुन व्यवसायीले 'हस्तक्षेप बहस' गर्नपाउँ भन्दै निवेदन दिने तयारी गरेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अर्थतन्त्र सुधारोन्मुख अवस्थामा छ – प्रधानमन्त्री ओली

एमाले संगको सहमति कार्यान्वयनमा काँग्रेस दृढ छ – सभापति देउवा

आशिका तामाङलाई २० हजार धरौटीमा रिहा गर्न आदेश