महेन्द्रनगरको एक होटलमा युवक मृत भेटिए

सुरक्षा/अपराध

नेपाल लाइभ बुधबार, वैशाख २१, २०७९ १०:१८

काठमाडौं- कञ्चनपुर सदरमुकाम महेन्द्रनगरमा रहेको नाइन इलेभन होटलमा एक युवक मृत भेटिएका छन्।

जिल्ला प्रहरी कार्यालय कञ्चनपुरका अनुसार महेन्द्रनगर बजारमा रहेको उक्त होटलमा युवक मृत अवस्थामा भेटिएका हुन्।

भीमदत्त नगरपालिका–१५ निम्बुखेडाका २१ वर्षीय मुकुल पाण्डेय होटलको कोठामा मृत भेटिएको जिल्ला प्रहरी कार्यालय कञ्चनपुरका डीएसपी चक्रबहादुर शाहले जानकारी दिए।

‘युवक होटलको कोठामा मृत भेटिएका छन्,’उनले भने,‘अहिले होटललाई सिल गरेर अनुसन्धान भइरहेको छ।’ मृत्युको कारण भने खुल्न सकेको छैन। घटनास्थलमा प्रहरी खटिएको छ।

घटना पछि आक्रोशित मृतकका आफन्तहरुले होटलमा ढुङ्गामुढा गरेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अर्थतन्त्र सुधारोन्मुख अवस्थामा छ – प्रधानमन्त्री ओली

एमाले संगको सहमति कार्यान्वयनमा काँग्रेस दृढ छ – सभापति देउवा

आशिका तामाङलाई २० हजार धरौटीमा रिहा गर्न आदेश