काठमाडौं–पूर्वअर्थमन्त्री डा. युवराज खतिवडाले नेपालको अर्थतन्त्रमा संरचनागत समस्या रहेको बताएका छन्। मंगलबार काठमाडाैंमा भएको ‘नेपालको वर्तमान आर्थिक अवस्था’ विषयक अन्तक्र्रिया कार्यक्रममा बोल्दै खतिवडाले यस्तो बताएका हुन्।
उनले आयात बढी भएकाले लगातार रुपमा ६, ७ र ८ प्रतिशतले आर्थिक वृद्धिदर हुँदासमेत व्यापार घाटा हुने समस्या वर्षौंसम्म भइरहने बाए। ‘अब उद्योग क्षेत्रको विकास गरेर निर्यात गर्ने गरी लगानी गर्नुपर्छ, अनिमात्रै व्यापार घाटा कम गर्न सकिन्छ,’ उनले भने।
खतिवडाले पछिल्लो समय धेरै लगानी जलविद्युतमा भएको बताए। ‘जलविद्युतमा धेरै ठूलो लगानी विस्तार गरेर बुढीगण्डकीजस्ता चार वटा आयोजना एकैचोटि निर्माण गरेर वर्षकाे डेढ खर्बदेखि २ खर्ब ऋण रिपेमेन्ट गर्न थाल्यौं भने नेपाल श्रीलंकाको बाटोमा जानेछ,’ उनले भने।
तीन निकायबीच समन्वयको अभाव हुँदा पछिल्लो समय मुलुकको अर्थतन्त्रमा समस्या देखा परेको आरोप उनले लगाए। अर्थ, वाणिज्य मन्त्रालय एकापट्टि र राष्ट्र बैंक अर्को बाटोमा हिँडेकाले संकट आएको उनको भनाइ छ।
कार्यक्रममा नेपाल राष्ट्र बैंकका प्रवक्ता डा.गुणाकर भट्टले पछिल्लो समय रुस र युक्रेनको युद्धका कारण मुलुकको अर्थतन्त्रमा थप चुनौती देखिएको बताए। युद्धका कारण पेट्रोलियम पदार्थको मूल्य निरन्तर रुपमा बढ्दै गएकाले थप चुनौती बढेको उनको भनाइ छ। विश्वमा नै ३ प्रतिशतले आयात बढ्ने देखिएकाले विश्व अर्थतन्त्रमा नै चुनौती देखिएको भट्टले बताए।
एनएमबी बैंकका प्रमुख कार्यकारी अधिकृत सुनीलकुमार केसीले पछिल्लो समय अर्थतन्त्र चलायमान भएकाले बैंकहरुले विगतमा गरेकाे लगानीको प्रभाव देखिएको बताए। बजारमा तरलता सहज बनाउन राष्ट्र बैंकले दिएको निर्देशन अनुसार बैंकहरुले कृषिमा ३० प्रतिशत र माइक्रोफाइनान्समा ३८ प्रतिशत र समग्र उत्पादन उद्योगमा ४५ प्रतिशत लगानी गरिरहेको उनले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
