नेपाल प्रहरीको आईजीमा धीरजप्रताप सिंह

सुरक्षा/अपराध

नेपाल लाइभ आइतबार, वैशाख १८, २०७९ १३:३०

काठमाडौं– नेपाल प्रहरीको २९औं प्रहरी महानिरीक्षक (आईजी) मा धीरजप्रताप सिंहको बढुवा भएको छ।

सरकारले उनीभन्दा झण्डै डेढ वर्ष ज्येष्ठतालाई उछिनेर सिंहलाई आईजीमा बढुवा गरेको हो।

आइतबार बसेको मन्त्रिपरिषद् बैठकले सिंहलाई आईजीपी बनाउने निर्णय गरेको एक मन्त्रीले जानकारी दिए।

सिंहभन्दा डेढ वर्षअघि बढुवा भएका एआईजी विश्वराज पोखरेल र झण्डै एक वर्षअघि बढुवा भएका सहकुलबहादुर थापालाई पन्छाएर सरकारले सिंहलाई आईजी बनाएको हो।

२०४९ चैतमा प्रहरी निरीक्षकबाट सेवा प्रवेश गरेका सिंहले २९ वर्ष प्रहरी सेवामा बिताइसकेका छन्। हाल केन्द्रीय अनुसन्धान ब्यूरो (सीआईबी) को प्रमुख थिए।

डीएसपी हुँदा गोरखा, दोलखा र नुवाकोटमा बसेर सिंहले काम गरेका थिए। एसपी हुँदा पर्सा र दाङको कमाण्ड सम्हालेका थिए। एसएसपी भएपछि भने उनी बागमती प्रदेश कार्यालय र महानगरीय अपराध महाशाखामा रहेकर काम गरेका थिए।

२०२४ कात्तिक २० गते जन्मिएका सिंहले स्नातकोत्तर उर्तिण गरेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अर्जुन ट्रफी राष्ट्रिय क्रिकेट प्रतियोगिता भोलिदेखि सुरु हुँदै

सामाजिक सञ्जाल विधेयकप्रति माओवादी केन्द्रको आपत्ति, परिमार्जन गर्न माग

प्रतिनिधिसभामा ६ वटा अध्यादेश पेस, अर्को बैठक २४ गते बस्ने