काठमाडौं– सरकारले सशस्त्र प्रहरी बलको महानिरीक्षक (आईजी)मा अतिरिक्त महानिरीक्षक (एआईजी) राजु अर्याललाई बढुवा गर्ने तयारी गरेको छ।
अर्याल वैशाख १४ गते एआईजीपीमा बढुवा भएसँगै आईजीका एकल दाबेदार थिए। सशस्त्र प्रहरी बलमा एआईजीबाट मात्रै आईजीपी बनाउने प्रावधान छ।
आइतबार बसेको मन्त्रिपरिषद्को बैठकले अर्याललाई आईजीमा बढुवा गर्ने निर्णय गर्ने बताइएको थियो। तर बैठकमा छलफल मात्रै भएको, निर्णय भने नभएको एक मन्त्रीले जानकारी दिए।
दुई एआईजीको दरबन्दी रहेको सशस्त्रमा अर्का एआईजी रामशरण पौडल पनि आइतबारदेखि नै आईजीपी पुष्पराम केसीसँगै ३० वर्षे सेवा अवधिका कारण अनिवार्य अवकाशमा जाने भएपछि अर्यालय मात्रै आईजी बढुवाका एकल दाबेदार रहने भएका हुन्।
*यसअघिको समाचारमा अन्यथा भएकाले सच्याइएको छ– सम्पादक
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1775575666.png)
