काठमाडौं–राप्रपा नेपालका अध्यक्ष कमल थापाले आफूविरुद्ध प्रायोजित र नियोजित रुपमा भइरहेको चरित्रहत्याको सामना गर्ने सामथ्र्य आफूसँग भएको बताएका छन्।
पार्टीका जिल्ला अध्यक्षहरुसँगको भर्चुअल बैठकमा बोल्दै थापाले पार्टी र नेतृत्वप्रति फैलाईएको भ्रम र षड्यन्त्रको भण्डाफोर गर्नसमेत आग्रह गरे। स्थानीय तह निर्वाचनको तयारीमा जुट्न अनुरोध गर्दै थापाले नेकपा एमालेसँगको सहमतिलाई सदुपयोग गर्नुपर्नेमा जोड दिए।
सम्वर्द्धनवादको जगमा टेकेर मुलुकलाई समृद्धिको मार्गमा लैजाने राप्रपा नेपालको लक्ष्य रहेको भन्दै थापाले मुलुकको विकास प्रमुख विषय भएकाले वाद र तन्त्रको मात्रै कुनै अर्थ नहुने स्पष्ट पारे । बैठकमा ६५ जिल्लाका अध्यक्ष र केन्द्रीय पदाधिकारीहरुको सहभागिता रहेको पार्टीका महामन्त्री राजाराम बर्तौलाले जानकारी दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
