सनराइज बैंकद्वारा मधेस प्रदेशमा वित्तीय साक्षरता कार्यक्रम सञ्चालन

कर्पोरेट

नेपाल लाइभ शुक्रबार, चैत ११, २०७८ १३:२७

काठमाडौं– सनराइज बैंकले प्रदेश २ मा विभिन्न शाखामा वित्तिय साक्षरता कार्यक्रम गरेको छ। चैत्र ८, ९, १० गते राजविराज, लहान र गौरमा बैंकले उक्त कार्यक्रम गरेको हो।

एनबीआईसँग सहकार्य गरी आयोजना गरिएको उक्त कार्यक्रममा नेशनल बैंकिङ इन्स्टिच्युटको तर्फबाट विनोद अधिकारी तथा बैंकका प्रतिनिधि सहभागी भइ साक्षरता प्रदान गरेका थिए।

वित्तीय साक्षरता कार्यक्रमलाई अझै प्रभावकारी बनाउन बैंकका नायब महाप्रबन्धक अपछकुमार यादव समेत गौरको कार्यक्रममा सहभागी भएका थिए।

उनले वित्तीय साक्षरताको महत्त्व पैसाको प्रयोग र उपयोगिताबारे सहभागीहरुलाई साक्षर हुन आग्रह गरेका थिए।

१०० जनाभन्दा बढी स्थानीय महिला, साना व्यवसायी तथा अन्य व्यक्तिहरुको सहभागिता रहेको उक्त कार्यक्रममा बचत र खर्चको व्यवस्थापन, ऋण प्रक्रिया र उचित प्रयोग, डिजिटल बैंकि, डिजिटल बैंकिङमा अपनाउनु पर्ने सर्तकता सुरक्षित रेमिट्यान्स प्रणाली, लगायतका विषयमा साक्षरता प्रदान गरेको थियो।

सनराइज बैंकले वित्तीय साक्षरताको अभावमा मानिसहरुले असुरक्षित आर्थिक कारोबार गर्न नपरोस्, बैंक तथा वित्तीय क्षेत्रमा सम्पूर्ण व्यक्तिहरुको पहुँच पुगोस्, डिजिटल कारोबारका बारेमा व्यक्तिहरु अभ्यस्त बनुन्, आफ्नो व्यवसायिक योजनालाई बैंकको सहायताले बढाउन सकियोस् र त्यसले व्यक्तिहरुको आर्थिक आर्जन बढाई उनीहरुको जीवनस्तर पनि बढाउन सकियोस् भन्ने उद्देश्य साथ देशव्यापी रुपमा वित्तीय साक्षरता कार्यक्रम गर्न लागेको बैंकले जनाएको छ।

हालसम्म सनसाइज बैंकले १३९ वटा शाखा, ८७ वटा शाखारहित बैंकिङ सेवा, १३ वटा एक्सटेन्सन काउण्टर र १५९ वटा एटीएममार्फत आफ्ना ग्राहकहरुलाई सेवा प्रदान गर्दै आइरहेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

डढेलोका कारण धुवाँ फैलिएपछि लस एन्जलसका बासिन्दालाई घरभित्रै बस्न आग्रह

सिद्धान्त मिल्नेसँग पार्टी एकता हुन्छ : कमल थापा

जानकी मन्दिरमा सवा लाख दीप प्रज्वलन( तस्विरहरु)