काठमाडौं- नेकपा माओवादी केन्द्रका अध्यक्ष पुष्पकमल दाहाल‘प्रचण्ड’ सँगको भेटवार्ताका लागि नेपाली कांग्रेसका नेता रामचन्द्र पौडेल सिंहदरबार पुगेका छन्।
माओवादी केन्द्रको संसदीय दलको कार्यालय सिंहदरबारमा प्रचण्ड र पौडेलबीच दिउँसो सवा तीन बजेपछि भेटघाट सुरु भएको प्रचण्डको सचिवालयले जनाएको छ।
फागुन १२ गते प्रतिनिधि सभामा एमसीसीका विषयमा छलफल हुने भएपछि त्यस विषयमा छलफल गर्न दुई नेताबीच भेटघाट भएको हो।
एमसीसी अनुमोदनका लागि समर्थन जुटाउन पौडेलले एमाले, माओवादी केन्द्र, जनता समाजवादी पार्टी लगायत दलका शीर्ष नेताहरुसँगको भेटघाट सुरु गरेका छन्। उनले यसअघि जनता समाजवादी पार्टीका अध्यक्ष उपेन्द्र यादवसँग भेटवार्ता गरिसकेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749826086.png)
