पाण्डेले जिते पेप्सी ओपन गल्फको ट्रफी

कर्पोरेट

नेपाल लाइभ सोमबार, फागुन ९, २०७८ १२:३५

काठमाडौं– गोकर्ण गल्फ क्लबमा भएको पेप्सी ओपन गल्फ प्रतियोगिताको उपाधि भाइराजा पाण्डेले जितेका छन् । ११ ह्याण्डीक्यापमा खेलेका पाण्डेले विजय श्रेष्ठ इनहाउस र टेन्डी शेर्पासँग ३६ अंकमा बराबरी गरेका थिए।

उनले काउन्ट ब्याकमा ब्याक नाइनमा १९ रन बनाएर उपाधि जितेका थिए भने इनहाउसले १७ र शेर्पाले १६ रन बनाएका थिए। विजय श्रेष्ठ इनहाउसले स्क्र्याचसँग खेल्दै ( शून्य) ह्यान्डिक्याप नेट उपविजेतासँगै बस्यो।

सद्भाव आचार्यले ३७ ग्रस अंकका साथ बेस्ट ग्रसको उपाधि जिते, उनले पाँच बर्डी बनाएपछि सर्वाधिक बर्डीको अवार्ड पनि जिते।

जेष्ठ (६० वर्ष वा माथिका) मा टेन्डी शेर्पा ३६ अंकका साथ बिजेता भए। महिलातर्फ ३२ अंकका साथ कश्मिरा शाहले उपाधि जितिन् भने रेखा घिमिरे २८ अंकका साथ उपविजेता भइन्।

आर्श्या बस्न्यात ३९ अंक जोडेर जुनियर विजेता भइन्। मार्कस डबलार्डले सबैभन्दा नजिकको पिन र धुन्दुल नामग्यालले सबैभन्दा लामो ड्राइभ जितेका थिए।

वरुण बेभरेज (नेपाल) प्रालिले प्रायोजन गरेको प्रतियोगितामा ९५ गल्फ खेलाडीले सहभागिता जनाएका थिए। प्रतियोगिता ३/४ ह्यान्डिक्यापसहित स्टेबलफोर्ड फर्म्याटमा खेलाइएको थियो।

वरुण बेभरेज प्रालिका मार्केटिङ हेड हमन्थ वाङ्शुल, मार्केटिङ म्यानेजर पुलकोइ कोन्डोई, गोकर्ण गल्फ क्लबका अध्यक्ष सुहृद घिमिरे र क्याप्टेन जोसेफ नाथनले ट्रफी हस्तान्तरण गरेका थिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

राष्ट्रपतिसमक्ष महान्यायाधिवक्ताको वार्षिक प्रतिवेदन पेस

जाडोमा हात, गोडा, औंला किन सुन्निन्छ? कसरी जोगाउने?

सहकारी ठगी प्रकरण: न्यायाधीश अधिकारीको इजलासमा रवि लामिछानेसहित ३९ जनासँग बयान सुरू