काठमाडौं– सत्ता साझेदार दल नेकपा माओवादी केन्द्र पनि एमसीसी सम्झौता संसद्मा टेबल गर्न दिनेमा सहमत भएको छ। माओवादीका एक नेताले अमेरिकी सहयोग नियोग, मिलेनियम च्यालेन्ज कर्पोरेसन (एमसीसी)सँगको सम्झौता संसदमा टेबल गर्न दिने विषयमा पार्टीमा सहमति जुटेको जानकारी दिए।
‘एमसीसी टेबल नगर्दा गठबन्धन भत्किने भयो। गठबन्धन जोगाउनका लागि भए पनि टेबल गर्न दिने सहमति भएको छ,’ उनले भने, ‘तर, यथास्थितिमा पारित गर्ने विषयमा भने पार्टीको सहमति छैन।’ सबै पक्षसँग छलफल गरेर तत्काललाई सम्झौता टेबल मात्रै गर्न दिने सहमति भएको उनले बताए।
एमसीसीलाई नै आधार बनाएर एमाले लगायतका शक्तिहरु गठबन्धन टुटाउन लागेपछि एमसीसी सम्झौता टेबल गर्न सहमति गर्न वाध्य भएको ती नेताको दाबी छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1787821306.jpg)
-1786513116.png)
