काठमाडौं– प्रहरी भर्नाका लागि संघीय सरकारले निकालेको विज्ञापनविरुद्ध मधेश प्रदेश सरकारले रिट निवेदन दायर गरेको छ।
मंसिर १० गते ठूलो संख्यामा प्रहरी प्रधान कार्यालयले निरीक्षकदेखि कार्यालय सहयोगीसम्मको पदमा आवेदन खुलाएको थियो।
तर, प्रहरी भर्ना संविधानद्वारा व्यवस्था गरेको प्रदेशको अधिकारक्षेत्रमाथि संघीय सरकारको हस्तक्षेप गरेको भन्दै मधेश प्रदेशका अन्तरिक मामिला तथा सञ्चारमन्त्री भरतप्रसाद साहले उक्त विज्ञापनविरुद्ध शुक्रबार सर्वोच्च अदालतमा रिट दायर गरेका हुन्।
प्रहरी प्रधान कार्यालय, गृह मन्त्रालय र प्रधानमन्त्री तथा मन्त्रिपरिषद्को कार्यालयलाई विपक्षी बनाई दायर गरिएको रिटमा प्रहरी कर्मचारी समायोजन ऐनविपरीत प्रदेशको अधिकार क्षेत्रमा हस्तक्षेप गर्ने अभिप्रायले विज्ञापन गरिएको जिकीर गरिएको छ।
साथै मुद्दाको अन्तिम टुंगो नलागेसम्म भर्ना प्रकृया रोक्न अन्तरिम आदेश जारी हुनुपर्ने रिटमा माग गरिएको छ। उक्त रिटमा फागुन १० गते मंगलबार पहिलो पेसी तोकिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1770302706.png)
-1764146706.png)
