काठमाडौं– सत्तासाझेदार दल नेकपा (माओवादी केन्द्र)ले संसदीय दलको बैठक बोलाएको छ। प्रतिनिधिसभाको बैठकअघि दलको बैठक बस्न लागेको हो।
बिहान ८ बजे सिंहदरबारस्थित दलको कार्यालयमा बस्ने गरी बैठक आह्वान गरिएको एक सांसदले बताए। प्रतिनिधि सभाको बैठकअघि बस्न लागेको बैठकमा एमसीसीको विषयमा छलफल हुने बताइएको छ।
बैठकमा प्रतिनिधिसभा बैठकका कार्यसूचीलगायत विषयमो छलफल हुनेछ। विशेषगरी अमेरिकी सहयोगसम्बन्धी सम्झौता एमसीसी र महाभियोग प्रस्तावबारे बैठकमा निर्णय गरिने जनाइएको छ।
आजको संसद् बैठकमा एमसीसी अनुमोदनका लागि टेबल गर्ने तयारी छ। माओवादीका नेताहरु एमसीसीको विपक्षमा रहेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
