काठमाडौं– नेकपा एमालेको संसदीय दलको बैठकले काउन्टर महाभियोगबारे निर्णय गर्ने अधिकार शीर्ष नेतृत्वलाई दिएको छ। सोमबार संघीय संसद् भवन नयाँ बानेश्वरमा बसेको बैठकमा त्यस सम्बन्धमा समयमै निर्णय हुने बताइएको छ।
प्रधानन्यायाधीश चोलेन्द्र शमशेर राणाविरुद्ध आइतबार महाधिवेशन प्रस्ताव दर्ता गरिएपछि एमालेले थप केही न्यायाधीशका विरुद्ध महाभियोग प्रस्ताव दर्ता गर्ने चर्चा चलेको थियो। तर, त्यो चर्चा पूर्वानुमान मात्रै भएको एमालेका प्रमुख सचेतक विशाल भट्टराईले जानकारी दिए।
'आजको बैठकमा सांसदहरुले आफ्नो मन्तव्य राख्दै वस्तुस्थितिको ठोस विश्लेषण गरेर, सम्पूर्ण कानुन र संविधानको अध्ययन गरेर, हिजोको घटनाक्रम र अहिलेको सत्तारुढ गठबन्धनले गरेको व्यवहारविरुद्ध कसरी प्रतिवाद गर्ने भन्ने बारेमा शीर्ष नेतृत्व बसेर ठोस निर्णय आओस् भन्ने सुझाव गएको छ', उनले भने, 'नेतृत्वले पनि यथाशीघ्र बैठक बसेर सबै पक्षको विश्लेषण गरेर यथोचित र समयमै निर्णय गर्ने वचनबद्धता आज पार्टी अध्यक्षले गर्नुभएको छ।'
अर्कोतिर, एमालेले आफ्ना सांसदहरुको हस्ताक्षर गराएको भट्टराईले बताए। 'सम्पूर्ण सांसदहरुको हस्ताक्षर गरेर राखेका छौं। आवश्यक परेको ठाउँमा ती चिजहरुलाई उच्चस्तरीय नेतृत्वमा छलफल गरेर अगाडि बढाउने कुरा हुन्छ', उनले भने।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787821306.jpg)
-1786602170.png)
-1786513116.png)
