काठमाडौं– टेलिभिजन कार्यक्रम महाभारतमा ‘भीम’को भूमिकामा अभिनय गरेका भारतीय अभिनेता प्रवीण सोबतीको निधन भएको छ।
बीआर चोपडाको महाभारतमा भीमको रुपमा अभिनय गरेका सोबतीको ७४ वर्षको उमेरमा निधन भएको हो।
सोबतीको जन्म १९४६ सेप्टेम्बर ६ मा भएको थियो। भारतको अमृतसरस्थित सरहली नामक गाउँमा जन्मिएका प्रविण खेलकुद हुँदै अभिनयमा आएका थिए। उनले सन् १९६६ मा कमनवेल्थ खेल खेल्ने मौका पाएका थिए। उनी सन् १९६० र १९७० को दशकमा सफल खेलाडीको रुपमा परिचित थिए।
१९८१ बाट भने प्रवीणको अभिनय यात्रा सुरु भएको थियो। उनले ‘रक्षा’ नामक फिल्ममार्फत् अभिनय यात्रा सुरु गरेका थिए। सन् १९८८ सम्म करिब ३० फिल्ममा काम गरेका उनले त्यसपछि बीआर चोपडाको ‘महाभारत’मा भीमको भूमिकामा देखिएका थिए।
२०१२ सम्म उनी अभिनयमै सक्रिय थिए। त्यसपछि उनी २०१३ मा अरबिन्द केजीवाल नेतृत्वको ‘आम आदमी पार्टी’मा प्रवेश गरेका थिए। राजनीतिमा सक्रिय भएका उनी वजीरपुरबाट दिल्ली विधानसभा सदस्यको चुनावका लागि प्रतिस्पर्धामा उत्रिएका थिए। तर, उनी पराजित भए। २०१४ मा भने उनी भारतीय जनता पार्टीमा प्रवेश गरेका थिए।
सोबतीको निधनको कारण हृदयघात भएको बताइएको छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
