तोलामा ५०० रुपैयाँले बढ्यो सुनको भाउ, चाँदीको स्थिर

अर्थ समाचार

नेपाल लाइभ बिहीबार, माघ २०, २०७८ १०:५८

काठमाडौं- नेपाली बजारमा आज सुन ५०० रुपैयाँले महँगिएको छ। बुधबारको तुलनामा सुनको भाउ आज (बिहिबार) प्रतितोला ५०० रुपैयाँले बढेको हो। चाँदीको मूल्य भने स्थिर रहेको छ।

नेपाल सुनचाँदी व्यवसायी महासंघले आजका लागि छापावाल सुनको मूल्य प्रतितोला ९२ हजार ७०० रुपैयाँ तोकेको छ। बुधबार छापावाल सुन ९२ हजार २०० रुपैयाँमा कारोबार भएको थियो।

यस्तै तेजावी सुनको मूल्य ३० रुपैयाँले बढेको छ। बुधबार ७९ हजार ४५ रुपैयाँमा कारोबार भएको यस्तो सुनको मूल्य आज ७९ हजार ४७५ रुपैयाँ पुगेको हो।

चाँदीको भाउ भने स्थिर रहँदै तोलामा एक हजार २५५ रुपैयाँ तोकिएको महासंघले जानकारी दिएको छ।

विश्वमा सुन र कच्चा तेलको मूल्यमा हुने घटबढले स्थानीय बजारमा प्रभाव पार्ने गरेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

भूमिसम्बन्धी अध्यादेशबाट पछि हट्यो सरकार

थापाथलीमा मेलम्ची खानेपानी आयोजनाको पाइप फुट्दा सडक अवरुद्ध

भारत पुडुचेरीका विधायकहरू पोखरामा