काठमाडौं- मस्को र पश्चिमा राष्ट्रबीच बढ्दो तनावका बीच जर्मन प्रसारण नियामकले आरटीको जर्मन भाषाको च्यानलमाथि प्रतिबन्ध लगाएको छ।
जर्मन प्रसारण नियामक र च्यानल निरीक्षण आयोगले प्रसारण इजाजतपत्र नभएको भन्दै आरटीमाथि प्रतिबन्ध लगाएको हो।
जर्मन अधिकारीहरूले डिसेम्बर २२ मा यस च्यानलको स्याटेलाइट नेटवर्कलाई अवरुद्ध गरेका थिए। तर, अझै इन्टरनेट र मोबाइल एपमार्फत् च्यानलको प्रसारण हुँदै आइरहेको थियो।
जर्मनी र रूसबीचको कूटनीतिक तनावको समयमा यसको प्रतिबन्ध अवैध र बर्लिनबाट राजनीतिक दबाबको परिणाम भएको आरटीले बताएको छ।
च्यानलले मस्कोमा मुख्यालय रहेको बताएको छ। उसले केबल र स्याटेलाइट प्रसारणको लागि सर्बियाई इजाजतपत्र रहेको बताएको छ,जुन आरटीले यसलाई जर्मनीमा प्रसारण गर्न अनुमति दिन्छ।
यद्यपि, नियामकले भने बर्लिनमा रहेको च्यानल अपरेटरसँग युरोपेली कानुनअन्तर्गत वैध अनुमति प्राप्त नगरेको जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1775812183.jpg)
-1764146706.png)
