काठमाडौं- सत्तारुढ दलहरुबीच आगामी जेठ महिनाभित्र स्थानीय तहको निर्वाचन गर्ने सहमति भएको छ।
प्रधानमन्त्रीनिवास बालुवाटारमा आज अपराह्न बसेको बैठकमा उक्त सहमति जुटेको सञ्चार तथा सूचना प्रविधिमन्त्री ज्ञानेन्द्रबहादुर कार्कीले जानकारी दिए।
'उच्चस्तरीय राजनीतिक संयन्त्रले प्रधानमन्त्रीमार्फत् सरकारलाई सुझाव दिएको छ। संविधानअनुसार कानुनमा संशोधन गर्नुपर्ने भए त्यो तयार गर्न पनि सुझाव दिएको छ। अब सरकारले निर्वाचन आयोगसँग परामर्श गरेर निर्वाचनको मिति तोक्नेछ,' बैठकपछि कार्कीले भने।
यसअघि आज बिहान बसेको गठबन्धनको बैठक निर्णयमा पुग्न नसक्दा अपराह्न पुन: बस्ने गरी टुंग्याइएको थियो।
सरकारले स्थानीय तहको निर्वाचन सार्न लागेको भन्दै प्रमुख प्रतिपक्षी दलसहित बुद्धिजीवि नागरिक समाजले विरोध गर्दै आएका छन्।
नेपाली कांग्रेसभित्र समेत निर्वाचन सार्न हुने वा नहुने भन्ने विषयमा मत विभाजन हुन थालेको थियो। बिहीबार प्रधानमन्त्री शेरबहादुर देउवासँगको भेटमा राष्ट्रपति विद्यादेवी भण्डारीले पनि स्थानीय चुनाव नसार्न सुझाव दिएकी थिइन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787795595.png)
-1786602170.png)
-1786513116.png)
