वर्षा सिवाकोटी भन्छिन्– पर्दाको चमकधमकभन्दा पर नितान्त व्यक्तिगत जीवन पनि हुन्छ

गसिप

नेपाल लाइभ शनिबार, माघ १५, २०७८ १३:४१

काठमाडौं– कलाकारलाई लिएर आम मानिसमा एउटा बुझाइ छ– उनीहरु सार्वजनिक व्यक्ति भएकाले उनीहरुका सबै सबै कुरा सार्वजनिक चासोका विषय हुन्छन्। त्यसैले त, नेपाली कलाकारका सानाभन्दा साना विषयले पनि मिडियामा हेडलाइन र गसिपको रुप लिइरहेका हुन्छन्। सार्वजनिक र कलाकारिताभन्दा फरक र उनीहरुको व्यक्तिगत विषयलाई लिएर पनि सर्वसाधारणदेखि सञ्चारमाध्यममा उनीहरुमाथि तर्क भइरहेका हुन्छ्न।

यो विषयलाई लिएर अभिनेत्री वर्षा सिवाकोटीले सार्वजनिक व्यक्तिको व्यक्तिगत जीवनको सम्मान हुनुपर्ने बताएकी छिन्। सामाजिक सञ्जालमार्फत उनी भन्छिन्, ‘पर्दाको चमकधमकपूर्ण जीवनभन्दा अलि पर एउटा सार्वजनिक व्यक्तिको नितान्त व्यक्तिगत जीवन पनि हुन्छ। तर, सार्वजनिक व्यक्तित्वको ट्यागमा उसको सबैकुरा सार्वजनिक ठानिन्छ र उसलाई मिडियाका नाममा निर्मम तरिकालेृ प्रहार गरिन्छ।’

वर्षाले यस्ता कुरालाई लिएर मानविय संवेदना नसकिएको भएमा सच्याउनुपर्ने बताएकी छिन्। आफूले कुनै व्यक्तिगत कुरा सार्वजनिक गर्न नचाहनु र गोप्य राख्नु कलाकार र सार्वजनिक व्यक्तिले किन नपाउने भन्दै उनले प्रश्न गरेकी छन्।

‘एउटा कलाकारको जीवनमा पनि सुख दु:ख, उतार चढाव र आरोह अवरोह प्रशश्त हुन्छन्, पर्दा बाहिर निस्कने वित्तिकै यथार्थको भोगाईमा उसले जीवन बाँच्न अभिशप्त हुन्छ भन्ने कुरा सबैले बुझ्नपर्छ,’ वर्षा लेख्छिन्, ‘ केहि व्यक्तिगत कुरा म सार्वजनिक गर्न चाहन्न, गोप्य नै राख्छु भन्ने अधिकार एउटा कलाकार वा सार्वजनिक व्यक्तिले पाउँदैन र? व्यक्तिको आत्मसम्मानमा ठेस पुग्ने गरि वा चित्त दुख्ने गरि सामाग्री बनाउँदा त्यो व्यक्तिलाई त्यसले कति असर गर्ला भनेर बेलैमा सोचौं । मनोरन्जनको नाममा मानिसको संवेदनाको ब्यापार बन्द गरौं।’

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जनकपुर बोल्टसविरूद्ध अभद्र र अपमानित नारा लगाउनेमाथि कारबाही गर्न मधेसी आयोगको सिफारिस

सिरहामा एकवर्षमा मानवअधिकार उल्लङ्घनका अठासी घटना

एनपीएलमा च्याम्पियन बनेको जनकपुर बोल्ड्सको यस्तो छ यात्रा