काठमाडौं– नेकपा एमाले कैलालीमा नयाँ नेतृत्व चयनका लागि मतदान सुरु भएको छ। नेतृत्व चयन गर्ने विषयमा सहमति नजुटेपछि निर्वाचन हुन लागेको हो।
अध्यक्ष लगायतका पदाधिकारीमा धेरैले आकांक्षा राखेपछि सहमति हुन नसकेको हो। अध्यक्षमा निवर्तमान अध्यक्ष रतन थापा र उपाध्यक्ष रणबहादुर चन्दको उम्मेदवारी परेको छ। त्यसैगरी, उपाध्यक्षमा दुर्गा जोशी र सिताराम बुढाथोकीको उम्मेदवारी परेको छ। सचिवमा दानबहादुर बिक र डेजी पाण्डेको उम्मेदवारी छ।
उपसचिबमा मदन ओझा, प्रेम चौधरी, ममता चौधरी, लोकेन्द्र साही र बिनय शाहको उम्मेदवारी परेको छ। सदस्यहरुमा भने केही क्षेत्रमा आइतबार नै निर्विरोध भइसकेका छन्। नेकपा एमालेमा नयाँ नेतृत्व चयनका लागि सुरु भएको मतदानमा जिल्लाभरका ६०६ जना प्रतिनिधिले मतदान गर्नेछन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1755350564.jpg)
-1764146706.png)
-1772170907.png)
