काठमाडौं- इंग्ल्यान्डका मध्यक्रमका ब्याट्सम्यान जोनी बेयरस्टोले अष्ट्रेलियासँगको एसेज सिरिजअन्तर्गत चौथो टेस्ट खेलमा शतक प्रहार गरेका छन्। बेयरस्टो १ सय ४० बलमा ८ चौका र ३ छक्कासहित १ सय ३ रनमा अविजित छन्।
बेयस्टोको यो टेस्ट करिअरको छैटौं शतक हो। बेयरस्टो १ सय ४० बलमा ८ चौका र ३ छक्कासहित १ सय ३ रनमा अविजित छन्। बेयरस्टोको यो टेस्ट करिअरको छैटौं शतक हो।
बेयरस्टोको शतकसँगै इंग्ल्यान्डले पहिलो इनिङ्समा प्रतिस्पर्धात्मक योगफल बनाएको छ । पहिलो इनिङ्समा इंग्ल्यान्ड ७० ओभरमा २५८–७ को अवस्थामा छ। योसँगै तेस्रो दिनको समाप्ति भएको छ।
तर, इंग्ल्यान्ड पहिलो इनिङ्समा अझै १ सय ५८ रनले पछि छ। बेन स्टोक्स र बेयरस्टोले १ सय २८ रनको उत्कृष्ट शतकीय साझेदारीका साथ इंग्ल्यान्डको इनिङ्स सम्हाल्लेका थिए।
स्टोक्स ९१ बलमा ९ चौका र १ छक्कासहित ६६ रनमा एलबीडब्लू आउट भए।
तल्लोक्रमका मार्कवुड ४१ बलमा २ चौका र ३ छक्कासहित ३९ रनमा आउट भए। अन्य ब्याटरले भने सम्झनलायक खेल प्रदर्शन गर्न सकेनन्।
मार्क उडले ३९ रन बनाउँदा ज्याक क्रली १८ रनमा बोल्ड भए। यस्तै, हसिब हमिद ६, डेविड मलान ३ र कप्तान जो रुट शून्यमा आउट भए।
अष्ट्रेलियाका प्याट कमिन्स र स्कट बोल्यान्डले २–२ विकेट लिए। मिचेल स्टार्क, क्यामरन ग्रिन र नाथन लायनले १–१ विकेट लिए।
त्यसअघि दोस्रो दिन अष्ट्रेलियाले पहिलो इनिङ्समा १३४ ओभरमा ४१६–८ को अवस्थामा समाप्तिको घोषणा गरेको थियो। अष्ट्रेलिया उस्मान खवाजाले २ सय ६० बलमा १३ चौका सहित १ सय ३७ रनको शतकीय इनिङ्स खेले।
खवाजाको टेस्टको नवौं शतक हो। अष्ट्रेलिया उस्मान खवाजाले २ सय ६० बलमा १३ चौका सहित १ सय ३७ रनको शतकीय इनिङ खेले। खवाजाको टेस्टको नवौं शतक हो।
यता, उपकप्तान स्टिभ स्मिथले १ सय ४१ बलमा ५ चौका सहित ६७ रनको अर्धशतकीय इनिङ्स खेले। चौथो विकेटका लागि स्मिथ र खवाजाले २ सय ६३ बलमा १ सय १५ रनको शतकीय साझेदारी गरेका थिए।
डेविड वार्नर ७२ बलमा ६ चौकासहित ३० रनमा स्कट बोल्यान्डको बलमा ज्याक क्रलीबाट क्याच आउट भएका थिए । मार्कस हरिस ३८ र मार्नस लाबुसेन २८ रनमा क्याच आउट भए । त्यसपछि स्मिथ र खवाजाको शतकीय साझेदारीले अष्ट्रेलिया सम्हाल्लिएको थियो । मिचेल स्टार्क ३४ र नाथन लायन १६ रनमा अविजित रहे। प्याट कमिन्स २४, एलेक्स केरी १३ र क्यामरन ग्रिन ५ रन बनाए।
इंग्ल्यान्डका तीव्र गतिका बलर स्कट बोल्यान्डले २९ ओभरमा ५ मेडनसहित १ सय १ रन खर्चेर ५ विकेट लिए।
पाँच टेस्टको एसेजमा घरेलु टोली अष्ट्रेलियाले सुरुवाती तीन खेल्दै ट्रफी जितेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
