माओवादी महाधिवेशन : यस्तो छ केन्द्रीय सदस्य निर्वाचनको संशोधित कार्यतालिका

महाधिवेशन विशेष

माओवादी महाधिवेशन : यस्तो छ केन्द्रीय सदस्य निर्वाचनको संशोधित कार्यतालिकाआइतबार २ बजेबाट निर्वाचन प्रक्रिया सुरु हुने, साँझ ६:२५ देखि मतदान

नेपाल लाइभ शनिबार, पुस १७, २०७८ २०:२७

काठमाडौं- नेकपा (माओवादी केन्द्र)को केन्द्रीय निर्वाचन आयोगले केन्द्रीय समिति चयन गर्नका लागि संशोधित निर्वाचन कार्यतालिका सार्वजनिक गरेको छ। आयोगले यसअघि प्रकाशित गरेको कार्यतालिका संशोधन गरेको हो।

यसअघि पार्टीको आठौं महाधिवेशनको जारी बन्द सत्रमा शनिबार साँझबाटै निर्वाचन प्रक्रिया सुरु गर्ने गरी कार्यतालिका सार्वजनिक गरेको थियो। तर, सहमतिमा केन्द्रीय समिति चयन गर्ने भन्दै आइतबार १ बजेसम्मका लागि बन्दसत्र स्थगित गरिएको छ। त्यससँगै निर्वाचन आयोगले निर्वाचनको नयाँ कार्यतालिका सार्वजनिक गरेको हो।

संशोधित कार्यतालिकामा आइतबार २ बजेदेखि ३:३० बजेसम्म मनोनयन दर्ता, ३:४० मा मनोनयन दर्ता गरेका उम्मेदवारहरुको सूची प्रकाशन, ४ बजेसम्म उम्मेदवारमाथि दाबी विरोध, ४:१० बजेसम्म दावी विरोधमा परेका उजुरीको सूचना प्रकाशन, ४:१० बजेसम्म उजुरीमाथि छानविन र निर्णय, ४:४० बजे पुन: नामावली प्रकाशन, ५:३० बजेसम्म उम्मेदवारी फिर्ता, ५:४५ बजेसम्म उम्मेदवारहरुको अन्तिम नामावली प्रकाशन गर्ने उल्लेख छ।

यसैगरी, आइतबार साँझ ६:२५ देखि १०:२५ सम्म मतदानको समय तोकिएको छ। मतदान सकिएलगत्तै मतगणना सुरु गरिने उल्लेख छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

मधेश प्रदेश सभामा २६ गते प्रधानमन्त्रीले सम्बोधन गर्ने

प्रकाशशरण महतको दाबी- कांग्रेसजस्तो सर्वोकृष्ट पार्टी पार्टी अरू छैन

काँकडभिट्टाबाट पौने १८ अर्बको कृषिजन्य वस्तु निर्यात