काठमाडौं– नेकपा (माओवादी केन्द्र) को जारी आठौं महाधिवेशनबाट नेतृत्व चयनका लागि निर्वाचन कार्यक्रम सार्वजनिक गरिएको छ।
केन्द्रीय निर्वाचन आयोगका अध्यक्ष विष्णुपुकार श्रेष्ठले सार्वजनिक गरेको कार्यक्रमअनुसार शनिबार साँझ ८ बजेदेखि साढे १० बजेसम्म उम्मेदवारहरूको मनोनयन दर्ता हुनेछ।
यस्तै, आज नै राति १०ः३५ मा मनोनयन दर्ता गरेका उम्मेदवारहरुको सूची प्रकाशन गरिनेछ। आइतबार साढे ११ बजेदेखि ४ बजेसम्म मतदान हुने निर्वाचन कार्यतालिकामा उल्लेख छ।
आइतबार बिहान साढे ८ बजेसम्म उम्मेदवारविरुद्ध उजुरी दिने समय तोकिएको छ भने ९ः१० बजे उम्मेदवारको नामावली पुनः प्रकाशन गरिनेछ।
बिहान ११ बजेसम्म उम्मेदवारी फिर्ता लिने समय दिइएको छ। आइतबार बिहान ११ः१५ बजे उम्मेदवारको अन्तिम नामावली प्रकाशन हुने र साढे ११ देखि अपराह्न ४ बजेसम्म मतदान हुने कार्यतालिकामा उल्लेख छ। मतदान सकिएलगत्तै मतगणना सुरु गरिने जानकारी दिइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787798464.jpg)
-1789201207.jpeg)
-1786602170.png)
