नेपालमा पहिलो पटक बेकरी मेला सञ्चालन गरिँदै

कर्पोरेट

नेपाल लाइभ मंगलबार, पुस १३, २०७८ १३:४९

काठमाडौं- बेकरी पारखीहरुका लागि नेपालमा पहिलो पटक बेकरी मेला सञ्चालन गर्न लागिएको छ।
बेकर्सहब अनलाइनले भोलि बुधबारदेखि ललितपुरको लबिङ् मलमा ‘बेक फेस्ट’ सञ्चालन गर्न लागेको हो। पुस १४ गतेदेखि सुरु हुने मेला पुस १६ गतेसम्म सञ्चालन हुने आयोजकले जनाएको छ।

तीन दिनसम्म चल्ने उक्त फेष्टिबलमा भिन्न भिन्न प्रकारका बेकरीहरु –ओहो केक, यूरोपियन बेकरी, बेक्स एण्ड केक्स, लगायतका आइटमहरु एकै ठाउँमा रहनेछन्।

३५ वटाभन्दा बढी अन्तर्राष्ट्रिय तथा स्थानीय स्तरका लुलु, ताजा बेकरीजहरुको आबद्वता रहने सो बेक फेष्टको पहिलो दिनमा सेफ च्यालेन्ज थिम, दोस्रो दिनमा गेम च्यालेन्ज र तेस्रो दिनमा केक रनवे र म्युजिकल इभेन्ट रहने संस्थाकी प्रमुख कार्यकारी अधिकृत दीपा भुसालले बताइन्।

राजधानीका विभिन्न होटल म्यानेजमेन्ट कलेजहरुको प्रत्यक्ष सहभागीतामा लाइभ बेकरीका आइटमहरुको प्रतिष्पर्धा हुने र पुरस्कारको पनि व्यवस्था गरिएको भुसालले जानकारी दिइन्।
बेक फेष्टमा फुड एण्ड बेभरेज, हस्पिटालिटी, शैक्षिक र फिल्मी क्षेत्रका लब्ध प्रतिष्ठित व्यक्तित्वहरुको सहभागीता रहने जनाइएको छ।

संस्थाको बेकरहब अनलाइन प्लेटफर्म मार्फत सबै खालका बेकरी आइटमहरु एकै ठाउँबाट उपलब्ध गराउन सकियोस् भनेर आम उपभोक्तालाई सहजताका लागि सञ्चालनमा ल्याइएको संस्थाका सञ्चालक प्रमोद ज्ञवालीले बताए।

बेक फेष्टको उदघाटन उद्योगपति राजेन्द्र खेतानले गर्ने कार्यक्रम तय भएको आयोजकले जनाएको छ।

बेक फेष्ट काठमाण्डुको एभर फन चकलेट, भान्बोरीले प्रायोजित गरेको छ भने गेट कलेज, एकेडेमी अफ कोलिनरी आर्टस एण्ड हस्पिटालिटी म्यानेजमेन्ट, कल माई केक लगायतका संघ संस्थाहरुको पनि सहभागिता रहनेछ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

काठमाडौँबाट हङकङ उडेका २८ यात्रुलाई ‘फुड पोइजन’, छानबिन समिति गठन

कुलमानले बुझाए स्पष्टीकरण, मन्त्रालयले लगाएका आरोपको खण्डन

लसएन्जलस: मृतकको संख्या १६ पुग्यो, आगो अझै अनियन्त्रित