काठमाडौं- नेकपा (माओवादी केन्द्र)ले भोलिबाट सुरु हुने राष्ट्रिय सम्मेलनलाई महाधिवेशनमा रुपान्तरण गर्ने निर्णय गरेको छ। शनिबार साँझ बसेको स्थायी समिति बैठकले उक्त निर्णय गरेको हो।
यसअघि माओवादीले राष्ट्रिय सम्मेलनमा विचारको बहस गरेपछि महाधिवेशनमा गएर आमसभा गरेर देखाउने बताएको थियो। तर, स्थायी समिति बैठकबाट अचानक राष्ट्रिय सम्मेलनलाई महाधिवेशनमा रुपान्तरण गर्ने निर्णय गरेपछि यो अहिले सर्वत्र चासोको विषय बनेको छ। अन्तिम समयमा आएर माओवादी केन्द्रले किन राष्ट्रिय सम्मेलनलाई महाधिवेशनमा रुपान्तरण गर्यो भन्ने प्रश्न उठेको हो।
पार्टी प्रवक्ता कृष्णबहादुर महराले पार्टीमा आकर्षण बढ्दै गएकाले राष्ट्रिय सम्मेलनलाई आठौं महाधिवेशनमा रुपान्तरण गर्ने निर्णय गरिएको बताए। तर, उनको उक्त भनाइलाई मात्र विश्वास मान्न नसकिने जानकारहरु बताउँछन्।
माओवादी केन्द्रकै एक नेताले भने राजनीतिक दल दर्ता ऐनको प्रावधानका कारण राष्ट्रिय सम्मेलनलाई महाधिवेशनमा रुपान्तरण गरिएको बताए। उक्त ऐनबमोजिम निर्वाचन आयोगमा दर्ता भएका दलले प्रत्येक पाँच-पाँच वर्षमा महाधिवेशन गर्नुपर्ने हुन्छ। त्यही कारण माओवादी केन्द्र राष्ट्रिय सम्मेलनलाई महाधिवेशनमा रुपान्तरण गर्न बाध्य भएको बुझिएको छ।
निर्वाचन आयोगका प्रवक्ता सालिग्राम शर्मा पौडेल पनि राजनीतिक दल दर्ता ऐनका आधारमा आयोगमा दल दर्ता भएपछि पाँच वर्षमा अनिवार्य महाधिवेशन गर्नुपर्ने बताउँछन्। उक्त अवधिमा महाधिवेशन नगरे स्पष्टीकरण सोध्ने, जरिवाना गर्ने तथा थप कारबाही गर्न सकिने उनले बताए। प्रवक्ता पौडेलको भनाइबाट पनि राजनीतिक दलसम्बन्धी ऐनको बाध्यात्मक व्यवस्थाकै कारण माओवादी केन्द्रले पछिल्लो निर्णय गरेको प्रस्ट हुन्छ।
माओवादी केन्द्रले आइतबार बिहान ८ बजे केन्द्रीय समितिको बैठक बोलाएको छ। उक्त बैठकले स्थायी समिति बैठकको निर्णय अनुमोदन गर्ने प्रवक्ता महराले बताए।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-1710220882.jpg)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
-1743318385.png)
-1742289396-1743592964.jpg)
